236

Kâide-i bâlâda arz ve ifâde kılınan yolda olmak lâzım geleceğinden aña tatbîkan
bir nizâmnâme müsveddesi dahi kaleme alınarak leffen huzûr-ı âlîye ref‘ ve takdîm
kılınmıştır. Câmi‘-i hilâfet ve saltanat ve müeyyid-i erkân-ı devlet olan zât-ı zılliyet-simât
hazret-i mülûkânenin karîha-i ilhâm-sarîha-i cenâb-ı hilâfet-penâhîlerine
vârid olan sünûhât mümeyyiz-i ârâ-yı bendegân-ı acz-sıfât olmağla bu bâbda dahi
her ne vechle emr ve fermân-ı mülhemiyet-nişân-ı hazret-i şehinşâhî şeref-sudûr
buyurulur ise isâbet anda olacağı muhât-ı ilm-i âlem-ârâ-yı hazret-i
pâdişâhî buyuruldukda kâtıbe-i ahvâlde emr ve fermân hazret-i veliyyü'l-emriñdir.

Fî gurre-i Cemâziye'l-ûlâ sene 1284