240

On üçüncü madde: Müzayede edilen gayr-i menkulat hakkında tasarruf davası eden olur ise en sonra vuku bulacak karardadeden evvel dava etmesi lazım gelecek ve iddiası sabit olmaz ise müzayedenin tehirinden ve cihet-i saireden dolayı zuhur edecek kaffe-i zarar ve ziyanı tazmin edecektir. Fakat özr-i meşrua mebni son karardadeden evvel gelip iddia edememiş olduğunu ispat eder ise muahharan dava etmek hukuku sakıt olmaz.

On dördüncü madde: Medyunun gayr-i menkulatını dain vakt-i muayyende sattırmak istemez ise diğer dainin işbu nizamname hükmünce füruht ettirmeğe hakkı olacaktır.

On beşinci madde: Gayr-i menkulatın bir parçası eda-yı deyne kafi ise medyunun huzurunda istediği şeyler satılacak ve gıyabı halinde füruhtu medyuna menfaatli olanları füruht edilecektir.

( Zeyl )

İşbu nizamnamenin tarih-i neşrinden mukaddem akd olunan düyun muahharan tecdid-i sened olunmuş olsa bile heyn-i müdayenede cari nizamat-ı atikaya tabi olup anlardan dolayı gayr-i menkulat hakkında olunacak muamele nizamat-ı sabıka-i mezkureye tevfik olunur.

İrade-i Seniye tarihi fi 15 Şevval sene 288
ve fi 15 Kanun-ı evvel sene 287

( Ferağdan imtina' eden medyunların emval-i gayr-i menkulesinin deyn içün füruhtu hakkında mevzu nizamname mucibince satılacak emlakine dair müşterilerine verilmesi muktazi senedatın suret-i tanzimi hakkında ba'd-ezin medyun uhdesinde bulunan bir mülkün füruhtuna mahkemeden ba'd-el-hükm icra memurları tarafından kaide-i şüru' ve mübaşeretle nizamname-i mezkurun yedinci ve sekizinci ve dokuzuncu maddelerinde muharrer şerait-i te'miniye yerine getirildikten ve müşteri tayin eyledikten sonra mahkeme canibinden bir ferağ mazbatası tanzim ve bu mazbata...

* Asıl *