262

Sahibleri tarafından davaya tasaddi olunur ise bu davayı istimadan hükkam-ı
şer-i şerif memnu olacakdır
On altıncı madde vakfiyet üzere tasarruf olunan havai yani bir mahal-i muayyende
müstakar olmayan gediklerin mahlulatı ahare verilmiyerek hazine-i evkaf-ı hümayun
defterinde olan kaydları terkin olunacağı misillü mutasarrıflarının bila varis
vefatiyle canib-i beytülmale aid olan mülk havai gedikler dahi satılmayarak
mehakim veya aklamda olan kaydları terkin olunacakdır
On yedinci madde bilcümle gedikatın mübayaa ve hususat-ı sairesi icra
olundukça muhtasarca olarak kayd ve sebt olunmak üzere bilad-ı selasede kain
duhancı gedikleri içün bulundukları belde mahkemesinde ve gedikat-ı saire
içün dahi İstanbul mahkemesinde sicillatdan başka birer defter-i mahsus
tutularak gedikat-ı mezkurenin bundan böyle vukubulacak muamelatına
göre kuyudu yürütülecekdir ve zikr olunan gedikler içün verilecek
hüccet ve ilamlar ayrıca sicillata kayd olunacakdır
On sekizinci madde bervech-i mülkiyet tasarruf olunmakda bulunan gediklerin
mübayaa ve muhakeme ve hususat-ı sairesiçün verilecek hüccet ve ilamlardan
mehakim-i şeriye nizamnamesine tevfikan harc alınacakdır

On dokuzuncu madde mülkiyet üzere tasarruf olunmakda olan gediklerin
müceddeden bir cihete vakfiyetini tescilden hükkam-ı şer-i şerif memnu olacakdır
( Hâtime )
Yirminci madde gedikat-ı memluke hakkında sicillat ve aklamda mukayyed olan evamir
aliyye ve nizamatın işbu nizamnameye mugayir bulunan ahkamiyle amel olunmayub
ancak bu nizamnamenin ahkamı ilanı tarihinden itibaren tamamiyle meriyyülicra
ve düstüru'l-amel tutulacakdır
Yirmi birinci madde teceddüd-i vukuat mülabesesiyle bundan böyle tesisi
lazımgelen mevadd-ı nizamiye işbu nizamnameye zeyl ve ilave kılınacakdır

Fi 8 Zilhicce sene 1277
Funturato