269

Nihāyet on seneliki tenzīl olunaraq qusūrınuñ taḥsīline ḥükm olunacaqdır. Ve faqat işbu on sene müddet murābaḥa fermānınıñ tārīḫ-i neşri olan biñ iki yüz altmış sekiz senesini tecāvüz idémeyécekdir. Ve eger ḥisāb olunan işbu on senelik miqdār-ı fāḥiş re’sü’l-māl ile niẓāmen qabūl ve taṣdīq olunan fā’iż miqdārından faḍle ẓuhūr ider ise işbu faḍleniñ dā’iniñ istirdādı jā’iz olmayacaqdır. Ḥattā dā’iniñ yine ol medyūndan cihet-i sā’ireden ṭolayı dīger maṭlūbı olsa daḫi işbu faḍle ol maṭlūba maḥsūb olunmayacaqdır.

Beşinci Mādde
Dā’in ile medyūn beyninde bi’t-terāżī ḥisābı qaṭ‘ olunub re’sü’l-māl ve güẕeştesi kāmilā te’diye olunmuş olan deyn içün ḥadd-i niẓāmisinden ziyāde güẕeşte alınıb vérilmiş olsa daḫi i‘āde-i ḥisāb ile güẕeştesiniñ tenzīli jā’iz olmayacaqdır.

Altıncı Mādde
Güẕeşteden başqa ahālīden ṣubaşılıq ‘ā’idātı nāmıyla ve nām-ı āḫerle aqçe alınmaq qaṭ‘iyyen memnū‘ olduġundan böyle şey’ler alınmış olduġı tebeyyün ider ise ḥükūmetje qabūl olunmayacaġı gibi ba‘de’z-īn aḫẕine jür’et idenlerüñ ḥaqlarında qānūnen icrā-yı cezā qılınacaqdır.

Fī 16 Şevvāl sene 1286