288

Mucibince tevkif olunan eşya hakkında dahi câridir.......
Fî 24 C sene 88 tadîlen

Yirmi Dördüncü Madde
İşbu nizamnâme ilânı tarihinden îtibâren altı ay sonra mer’iyyü’l-icrâ olacakdır.

Alâmât-ı fârika nizamnâmesinin yirmi üçüncü maddesi yerine kâim olmak üzere tadîlen kaleme alınan madde-i nizamiyedir

Yirmi Üçüncü Madde
Bir memleket ismine olarak alâmât-ı mukallide ile rüsûmât idârelerine eşyâ-yı mâmûle vürûdunda eğer memâlik-i mahrûsenin diğer bir mahallinde taklîd kılınmış ise tamgalarına taklîd edilmiş olan mâmûlâtın âmilleri istedikleri zaman ikâme-i dâvâ etmek üzere ol eşyânın mürûruna memnûniyet olunmayacak ve eğer memâlik-i şâhânede yapılmış olan eşyâya mevzû tamgaya taklîd edilerek memâlik-i ecnebiyeden gelmiş ise memâlike idhâl edilmeyerek sâhibine red ve iâde kılınacakdır sâhibi meydanda olmayan eşyâ bir sene rüsûmât idârelerinde tevkîf olunarak sene nihâyetinde ve eşyâ-yı mezkûrenin bir sene tevkîfi mümkün olamayacak sûretde bozulur makûleden olduğu takdîrde bozulmağa başlamazdan evvel üzerlerinde bulunan alâmât-ı mukallide mahv ile bi’l-müzâyede fürûht edilerek esmânından ardiyesi ba’de’t-tenzîl kusûru ikinci senesi nihâyetine değin sâhibi gelip taleb eylediği hâlde tarafına i’tâ ve gelmediği sûretde emvâl-i rüsûmiyeden olmak üzere idâre sandığına teslîm kılınacak ve alâmâti kâbil-i imhâ olmayan ve bir sene-i kâmile zarfında sâhibi tarafından istirdâd kılınmayan eşyâ-yı mevkûfe dahi telef edilecekdir.

Fî 29 Rebîülâhir sene 1289
Ve fî 23 Hazîran sene 1288

Evkâf