300

olmayıp emvâl-i menkûle ve gayr-i menkûle zikr olunan senedde muharrer olduğu vechle
lâzım gelenler yedlerinde terk ve ibkâ olunacakdır lâkin emvâl-i gayr-i menkûle eğer vakf
arâzî ve yâ müsakkafatdan ve yâhud arâzî-i emîriyeden ise çünki bunların hîç
birisi mutasarrıflarının mülk-i sahîhi olmayıp vakf şeylerin ferâğı mütevellînin
iznine ve arâzî-i emîriyenin ferâğı me’mûrînin iznine mütevakkıf ve muhtâc olarak
bilâ-izin icrâ olunan ferâğ kânûnen ve nizâmen mu’teber olmadığından ber-minvâl-i muharrer
evvelce senede derc olunacak emvâl-i gayr-i menkûle hakkında arâzî ve evkâf kânûn
ve nizâmâtına ri’âyet olunmuş olmak şart-ı lâzımdır ve’l-hâsıl bu tafsîlât
üzerine bundan sonra bâlâda muharrer usûl ve karârın hilâfına bir gûne hareket
ve sû’-i isti’mâl vukû’a getirilür ise mûcib-i mes’ûliyyet-i şedîde olacakdır
çünki bundan asıl murâd ve matlûb eytâmın muhâfaza-i emvâl-i mevrûsesi
olduğundan bunun hâricine gidilmeyecekdir ve bu husûslara dâir bi’l-cümle memâlik-i
mahrûsede bulunan hükkâm ve nüvvâb efendilere taraf-ı hazret-i Şeyhülislâmîden
iş’ârât ve tenbîhât-ı ekîde icrâ buyurulmuş olduğu misillü keyfiyet bi’l-cümle
metropolid ve murahhasa ve piskoposlara dahi patrikhaneler taraflarından iş’âr
ve tenbîh etdirilmiş ve ba’dezin hilâfında hareket eden olur ise te’dîbât-ı
lâzimesi icrâ olunacağı mukarrer bulunmuş olmakla ve bu maddeye bi’l-cümle vülât-ı ‘izâm
ve mutasarrıfîn-i kirâm taraflarından nezâret ve kâim-makâmlar ve kazâ müdîrleri ve kâffe-i
me’mûrîn câniblerinden dahi dikkat olunarak hilâf-ı hâl ve hareket vukû’a
getirilmemesi zımnında cânib-i Bâb-ı ‘Âlî’den dahi her tarafa tenbîhât-ı ekîde-i
‘umûmiye gönderilmekle ber-vech-i muharrer icrây-ı iktizây-ı hâle himmet buyurulması
siyâkında bâ-irâde-i seniyye işbu şukka terkîm kılındı

Sûret