307

dahi terekenin tahrir olunduğu mahkeme tarafından i'tâ olunacaktır ......
( Bâb-ı Sânî )
( Fasl-ı Evvel İ'lâmât ve Hucec-i Şer'iyye Harcları Beyânındadır )

Yirmi yedinci mâdde: Hükm veyâ ilzâmı hâvî olan i'lâmât-ı şer'iyye içün mülzem ve mahkûmun-bih olan şey'in mikdâr ve kıymetine nazaran yalnız guruşda bir pâre harc alınacağı misillü taşralarda mülkiye me'mûrlarının re'y ve ma'rifeti munzam olmayarak tahsîl olunan mevâdd-ı hukukiyye zımnında verilen senedât-ı şer'iyyeden dahi kezâlik guruşda bir pâre harc alınacaktır.

Yirmi sekizinci mâdde: Ber-vech-i şer'î mu'ârazadan men'i hâvî olan senedât-ı şer'iyye içün da'vâ olunan şey'in mikdâr veyâhud kıymetine nazaran yirmi bin guruşa kadar guruşda bir pâre ve yirmi bin guruşdan her ne mikdâr ziyâde olur ise olsun ol ziyâde içün dahi yüz guruşda kırk pâre harc alınacaktır.

Yirmi dokuzuncu mâdde: Bilâ-beyyine mu'ârazadan men'i hâvî olan senedât-ı şer'iyye içün da'vâ olunan şey'in mikdâr veyâhud kıymetine nazaran yirmi bin guruşa kadar yüz guruşda kırk pâre ve yirmi bin guruşdan ne mikdâr ziyâde olur ise olsun ol ziyâde içün yüz guruşda yirmi pâre harc alınacaktır.

Otuzuncu mâdde: Musâlaha-i şer'iyyeyi hâvî olub müddeâ-bih ve verilecek senedât içün bedel-i sulh ne mikdâr ise guruşda bir pâre harc alınacaktır ve müddeâ-aleyh dahi berâet-i zimmeti içün başkaca sened mutâlebe eylediği hâlde bedel-i sulhden mâadâ ânın kıymet ve kemmiyetine nazaran yirmi bin guruşa kadar guruşda bir pâre ve ziyâdesi içün dahi yüz guruşda kırk pâre ahz olunacaktır.

Otuz birinci mâdde: Kısâs ile hükmü hâvî olan i'lâmât-ı şer'iyyeden harc alınmayıp meccânen i'tâ olunacaktır ve keşf-i meyyit içün verilen i'lâmâtdan dahi kezâlik harc alınmayacaktır.

Otuz ikinci mâdde: Diyet ile hükmü hâvî olan i'lâmât-ı şer'iyyeden