314

Altmış yedinci madde: Fasl-ı evvel ve sâni ve işbu faslda beyân ve tahdîd olunan harc-ı senedât ve kaydiye ve harc-ı husûs ve harc-ı tezkiyeden mâadâ mehâkim-i şer'iye ve ketebe ve hademe-i sâiresi taraflarından kalemiye ve kaydiye nâmıyla ve nâm-ı âharla erbâb-ı mesâlihden hâricden bir şey alınmayacaktır.

( Hâtime )

Altmış sekizinci madde: Bi'l-cümle mehâkim-i şer'iyede cereyân etmekde olan muâmelât ve sicillâtda mukayyed bulunan kâffe-i evâmir-i aliyye ve nizâmâtın işbu nizâmnâmeye mugâyir olan ahkâmıyla amel olunmayıp ancak bu nizâmnâmenin ahkâmı i'lânı târîhinden i'tibâren mer'iyyü'l-icrâ ve düstûrü'l-amel tutulacaktır.

Altmış dokuzuncu madde: İşbu nizâmnâme-i umûmînin ahkâm-ı mündericesine mugâyir ya'ni hudûd-ı me'mûriyetinin hârici ve vesâik ve senedât ve sâire hakkında tahdîd ve ta'yîn olunan harcdan ziyâde şey almak gibi hâlât-ı nâ-marziyeye mütecâsir olanlar hakkında mücâzât-ı lâyıka-i şer'iye icrâ olunacaktır.

Yetmişinci madde: Telâluk-ı efkâr ve te'âkub-ı havâdis-i rûzgâr münâsebetiyle bundan böyle zuhûr edecek mevâdd-ı mütenevvi'a hakkında te'sîsi lâzım gelen nizâm işbu nizâmnâmeye zeyl ve ilâve kılınacaktır.

Tevcihât