315

( Tevcihat-ı Menasib-i Kaza Nizamnamesi )

( Suret-i Hatt-ı Hümayun )
( Mucibince amel oluna )

Birinci bend Rumeli ve Anadolu Kazaskerleri semahatlü efendiler hazeratı beher sene dörder defa Divan-ı Adliye resm-i tarik üzere taliplerine menasib tevcih eylemeleri mutad-ı kadim ise de nef’an li’l-kudat müddet-i tevkitin takliliçün fima ba’d beher sene Muharrem duhulünde bir defa ve Receb duhulünde bir defa divan akd olunarak mutad üzere menasib tevcih olunub tevkite hiffet gelinceye dek iki defasından sarf-ı nazar olunacakdır ve divana çıkacak kasanın yedlerinde olan kağıd kendülerinin olub olmadığı tahkik olunmak üzere fetvahaneye havale kılınacak ve on beş seneden ziyade infisali olanlar bir vechle kabul olunmayacakdır

İkinci bend Müceddeden tarik-i kazaye duhul murad iden mülazimin divanlar akibinde imtihan olunarak mansıb tevcih olunmak de’b-i kadim olmağla fima ba’d dahi beher sene iki defa vuku bulacak divanlar akibinde üslub-ı sabık üzere ledü’l-imtihan ehliyeti nümayan olan mülazimine mansıb tevcih olunarak tarik-i kazaye duhulleri caiz olacakdır

Üçüncü bend Divanlar akibinde vuku bulacak imtihanlarda akd olunacak meclislerde nazır olmak üzere makam-ı vala-yı meşihat-ı islamiyeden zi-rütbe bir memur-ı mahsus bulunacakdır

Dördüncü bend Beher sene iki defa vuku bulacak imtihanlarda mülazimine tevcih olunacak menasibden maada gerek bi’l-imtihan ve gerek bila imtihan ehl ve na-ehle hiç bir suretle birinci veyahut ikinci rütbe veyahut mafevkinden asla ve kat’a müceddeden mansıb tevcihiyle tarik-i kazaye duhulü tecviz olunmayub men’-i ekid ile kema fi’s-sabık men’ olunacakdır

Beşinci bend Her kangı rütbede olur ise olsun bir kaza tahtında muvakkat evrak üzere mukayyed bulunan kimesne ba’de hulul-i vakt-i zabt ve müddet-i muayynesini