32

7 Madde Zarar-ı kadîm olmaz

8 Madde Berâet-i zimmet asıldır
Binâenaleyh bir kimse birinin malını telef edip de miktarında ihtilaf etseler söz mütlifin olup mal sahibi iddia ettiği ziyadeyi isbata muhtaç olur.

9 Madde Sıfât-ı ârızada asıl olan ademdir
Meselâ (Şirket-i mudârebe)de kâr olup olmadığında ihtilaf olunsa ademi asıl olduğuna binâen söz mudâribin olup sâhib-i sermâye kâr olduğunu isbata muhtaç olur.

10 Madde Bir zamanda sâbit olan şeyin hilâfına delil olmadıkça bekâsıyla hükmolunur
Binâenaleyh bir zamanda bir şey bir kimsenin mülkü olduğu sâbit olsa mülkiyeti izâle eden bir hal olmadıkça mülkiyetin bekâsıyla hükmolunur.

11 Madde Bir emr-i hâdisin akreb-i evkâtına izâfeti asıldır
Ya'ni hâdis olan bir işin sebeb ve zaman-ı vukûunda ihtilaf olunsa zaman-ı baîde nisbeti isbat olunmadıkça hâle akreb olan zamana nisbet olunur.

12 Madde Kelâmda asıl olan ma'nâ-yı hakîkîdir

13 Madde Tasrîh mukâbelesinde delâlete i'tibâr yoktur

14 Madde Mevrid-i nasta ictihada mesâğ yoktur

15 Madde Ale'l-hilâfi'l-kıyâs sâbit olan şey sâire makîsun aleyh olmaz

16 Madde İctihad ile ictihad nakz olunmaz

17 Madde Meşakkat teysîri celb eder
Ya'ni suûbet sebeb-i teshîl olur ve darlık vaktinde vus'at gösterilmek lâzım gelir
Karz ve havâle ve hacr gibi pek çok ahkâm-ı fıkhiyye bu asla müteferri'dir ve fukahânın ahkâm-ı şer'iyyede gösterdikleri ruhas ve tahfîfât hep bu kâideden istihrâc olunmuştur.

18 Madde Bir iş dıyk oldukda müttesi' olur
Ya'ni bir işde meşakkat görülünce ruhsat ve vus'at gösterilir

19 Madde Zarar ve mukâbele bi'z-zarar yoktur

20