335

**İstinaf d^avaya d^air taşrada vuku^ bulan istid^a müddet-i kan^uniyesi
tarafından hükümet-i mahalliyenin en büyük m^amuruna takdim olunur. Ol m^amur
dahi mahalli meclis-i temyiz-i hukuk veyahut mahkeme-i ticaret m^arifetiyle yirmi üçüncü
maddede beyan olunan şer^aiti ifa etdirdikden sonra istid^a-yı vaki^
ile merbut l^ayiha ve zat-ı maslahata müteferri^ bilcümle evrak tahriratına leff
ederek birinci posta ile Divan-ı Ahk^am-ı Adliye Nezaretine irsale mecburdur.
Şer^ait-i muharrere tamamiyle icra olunmadığı takdirde istid^a-yı vaki^ hükümet-i
mahalliye tarafından kabul olunmayacağı gibi bilakis ifa olunup da her ne
sebebe mebni redd olunur ise redd eden mahkeme yahut mahalli hükümeti m^amuru
kan^unen mes'ul tutulur.**

**Yirmi sekizinci madde: Şer^ait-i muharrere ifa olundukdan sonra sahib-i istid^a
yahut vekili yirmi altıncı maddede muharrer müddet-i kan^uniyenin inkızasından
i^tibaren nihayet altmış gün zarfında liecl-il-muhakeme Dersaadet'e gelerek
tarih-i vür^udunu Divan-ı Ahk^am-ı Adliye evrak odasına kayd etdirmek
üzere Divan-ı Ahk^am-ı Adliye Nezaretine bir tezkere takdimine mecburdur. Etmediği
takdirde istid^ası redd olunur.**

**Yirmi dokuzuncu madde: Sahib-i istid^a bir g^une özr-i şer^i veya sebeb-i
mücbirden dolayı bu müddet içinde Dersaadet'e gelemeyip de muahharen özr-i
meşr^uunu isbat eylediği halde d^avası sakıt olmaz.**

**Otuzuncu madde: Divan-ı Ahk^am-ı Adliye'ye gelen müsted^iyat ve tez^akir
ve evrak-ı s^aire üzerlerine sıralarınca numara ve tarih-i vür^udları işaret
olundukdan sonra her varakanın numarası ve tarihi ile kimin tarafından
verildiği yahut kangı mahalden geldiği Divan-ı Ahk^am-ı Adliye evrak
odasında bir defter-i mahsusa derhal kayd olunur.**

**Otuz birinci madde: Bu kayd maddesi evrak odasında lüzumu mikdar
maiyet k^atibleri m^arifetiyle oda müdürü tarafından icra etdirilir.**