337

Dahi sebeplerinin beyanıyla ashabına red eder nizamen divana aid evrak müteallik oldukları mahkeme ve dairelere ita olunmak üzere evrak odasına iade eder müddeialeyh taşrada bulunup da ihzarı lazım geldiği halde mütemerrid şurûtunun icrasıyla müddet-i kanuniyesi zarfında müddeialeyhin ihzarı muvafık-ı usul ve nizam olduğunu divan nezaretine tahrîren beyan eder (*)

Otuz dokuzuncu madde Divan-ı Ahkam-ı Adliye Nazırı cemiyet tarafından takdim olunacak evrakı otuzuncu maddede muharrer usule tevfikan defter-i mahsusa kayd olunmak üzere reyinin ilavesiyle evrak odasına irsal eder (*)

Kırkıncı madde Tefrik Cemiyeti tarafından evrak odasına iade olunan evrakın defa-i saniyede kaydı zımnında Divan-ı Ahkam-ı Adliye dairelerine mahsus kayd defterlerinden başka evrak odasında bir kıta defter tutulup evrak-ı varide kayd olunur (*)

Kırk birinci madde İşbu defterlerde icra olunacak muamele-i kaydiye her varakanın hülasa-i meali ve tarih ve numarası kayd ve tahririnden ibarettir

Kırk ikinci madde Evrak-ı varide kayd olunduktan sonra cinsine göre tefrik ve hülasa defterlerinden muhreç birer suretleri leff olunarak aid olduğu mahkeme veya daire reisine ve anın tarafından dahi mahkeme veya daire baş mümeyyizine iade olunur

Kırk üçüncü madde Evrak-ı varide mahkeme veya daireye vürudundan nihayet yirmi dört saat zarfında bil-kirae iktizası icra olunmak üzere meclisin tensibiyle diğer mümeyyizlere taksim olunarak mukabilinde baş mümeyyiz tarafından makbuz senetleri ahz edilir mevad-ı müstaceleye dair evrak mümeyyizlere havale olunmaksızın doğrudan doğruya dahi mahkeme veya dairece tedkik olunabilir

Kırk dördüncü madde Mümeyyizlere havale olunan evrak ba'de'l-mütalaa tarafını celb ile esna-yı tedkik ve muhakemede kendilerine olunacak tebligat içün

(*) Otuz üçüncü maddenin şerhine müracaat oluna
43