344

Kırk sekizinci ve kırk dokuzuncu ve ellinci maddelerine tevfîkan icrâ olunur fakat işbu celb içün gönderilecek matbû‘ koçanlı pusulalar havâle cem‘iyyeti evrak odası tarafından mühürlenir.

Sekizinci madde Celb pusulası gönderilüb de bilâ-özr-i makbûl gelmeyenlerden Cezâ Kânûnnâme-i Hümâyûnu’nun yüz on altıncı maddesi hükmüne tevfîkan havâle cem‘iyyeti karâriyle cezây-ı nakdî alınır.

Dokuzuncu madde Birbirini müteâkib sekiz gün zarfında üç def‘a celb pusulası gönderilüb de nihâyet da‘vete icâbet etmeyenler âhâddan ise cânib-i zâbıta ve me’mûrînden ise tâbi‘ olduğu âmiri vâsıtasiyle celb ve cezây-ı nakdî ahz kılınır.

Onuncu madde Vilâyâtdan adam ihzâr olunmak üzere verilen müsted‘iyât muvâfık-ı nizâm olduğu takdîrde kabûl olunarak da‘vâsında haksız çıkar ise ihzâr ettireceği adamın kânûnen hükm olunacak masârif ve zarar ve ziyânının tamâmen ve bilâ-tereddüd edâ ve îfâsı içün müsted‘îden kefîl-i mu‘teber alınmak üzere vezneye havâle olunur ve cânib-i vezneden dahi müsted‘î şerâitine muvâfık kefâlete rabt olunub musaddak kefâlet senedinin hıfz edildiği ve kefîlin isim ve şöhret ve ikâmetgâhı ol istid‘âya derkâr olundukdan sonra cem‘iyyete i‘tâ kılınır cem‘iyyetden dahi ihzâr olunacak adamın emr-i ihzârı içün şerâit-i nizâmiyenin îfâ olunduğu Dîvân-ı Ahkâm-ı Adliye Nizâmnâme-i Dâhiliyesinin otuz sekizinci maddesi mûcibince Dîvân Nezâretine bâ-müzekkere beyân edilir.

On birinci madde Cem‘iyyetin müzekkeresi mûcibince Dîvân-ı Ahkâm-ı Adliye kalemi şu‘besinden tahrîrât-ı aliyye yazılır ve bu makûle muharrerâtda kefîlin isim ve şöhret ve mahall-i ikâmeti tasrîh kılınır.

On ikinci madde Muvâfık-ı usûl ve nizâm olmayan ihzâr istid‘ânâmeleri ilel ve esbâbı gösterilerek sâhibine iâde kılınır.

On üçüncü