347

Doldırılub vezneye gönderilür ve işbu pusulalar zahri cem‘iyet mührüyle mahtûm ve yüz varakdan ibâret olacakdır.

Yirmi sekizinci mâdde
Celb ve ihzâr koçanları evrâk müdîrinin taht-ı nezâretinde olarak bir celb me'mûruyla lüzûmu mikdâr refîk ma'rifetiyle doldırılur.

Yirmi dokuzuncu mâdde
Nümûnesinde gösterildiği vechle koçanlara koçan numerosu ve pusulalarına müteselsil numero vaz' olunacakdır.

Otuzuncu mâdde
Kaydiye pusulaları doldırılmadıkça koçanlarından kat' olunmayacakdır. Şâyed doldırılur iken sehv vukû' bulur ise icrâ cem'iyeti tarafından ibtâl işâret olunarak ol pusula koçanında bulunacakdır.

Otuz birinci mâdde
Havâle cem'iyetine i'tâ olunub deftere kayd olunan müsted'ayâtı ashâbı otuz bir gün zarfında taharrî etmez ve harc ve masrafını virmez ise bu makûle istid'âlar ibtâl edilerek kaydlarına işâret olunur ve otuz bir gün sonra yeniden istid'â virir ise kaydiyesi ahz olundukdan sonra nizâmen icrâsına bakılur.

Otuz ikinci mâdde
Havâle cem'iyeti tarafından alınacak her nev' harc ve resm ve hademe masrafının ahz ve istîfâsı zımnında bir vezne olub işbu vezne bir vezne ile lüzûmu mikdârı veznedâr ve vezne kâtibi ma'rifetiyle idâre olunur.

Otuz üçüncü mâdde
Cem'iyetce alınacak her nev' harc ve resmin ve cezây-ı nakdînin ve hademe masrafının mikdâr ve envâ'ı hakkında vezneden hem cem'iyete ve hem sâhib-i istid'âya koçanlı ve müteselsil numerolu 'ilmühaber virilür.

Otuz dördüncü mâdde
On üçüncü mâddede muharrer mu'âmelât defterine mukâbil cânib-i vezneden dahi bir defter tutulur.

Otuz beşinci mâdde
Yirmi yedinci mâddede muharrer olduğu üzere kaydiye harcı içün koçanlı numero pusulasına mukâbil cânib-i vezneden bir defter tutulur.