349

( İcra cemiyetinin vezaif ve muamelatına dair nizamnamedir )

( Fasl-ı Evvel )
( Cemiyetin vezaifi )

Birinci madde: İcra cemiyeti hukuka dair bilcümle mahâkim ve devâirden verilen ilâmât ve buyuruldu-yı âli ahkâmının icrasına memurdur.

İkinci madde: İcra cemiyeti vezaifine aid tezakir ve muharrerat ve müsted'iyatı havale cemiyetinin mühr-i mahsusuyla havale edilmiş görmedikçe kabul edemez.

Üçüncü madde: İcra cemiyetinin ahkâmını icra edeceği her nevi ilâm ve müzekkerelerin zirine Divan-ı Ahkâm-ı Adliye Nezareti tarafından mucibince icra oluna işareti edilir.

Dördüncü madde: İcra cemiyetine ber-vech-i muharrer vürûd edecek evrak ve ilâmât makbuz senedi ahzıyla mümeyyiz ve mukayyidler tarafından derhal defâter ve evrak-ı mahsusalarına kayd olunduktan sonra reis-i cemiyete ita olunur ve ilâmın alındığını mübeyyin ashabı yedine koçanlı makbuz ilmühaber verilir.

Beşinci madde: Mehâkim-i nizamiyeden verilen her nevi ilâmâtın suret-i musaddakaları medyun tarafına tebliğ olunmadıkça ahkâmı icra olunamayacağından İcra Cemiyeti evvelâ tarafeyni celb ederek ilâmın suret-i musaddakasının tebliğ ve ita olunup olunmadığını tarafeynden sual edip şâyet tebliğ ve ita olunmadığı tahakkuk eder ise suretini ihrac ettirerek mahkûmun aleyhden istirdad olunmak üzere tarife-i mahsusası mucibince iktiza eden harcın dâinden ahzıyla ziri cemiyet mührüyle tasdik olunduktan sonra mahkûm tarafına ita eder ve suretin ita olunduğu günden itibaren Usul-i Muhakeme Kanunnamesi mucibince mahkûmun aleyhe mehil verilip nefsi için kefil alınır işbu mehlin inkızasında mahkûmun aleyh olan taraf hükm-i ilâmın icrasına teşebbüs etmediği veyahud hükm-i ilâmın