350

İcrasını te’hir ve tevkif edecek suretde ilel ve esbab-ı kanuniyeyi mübeyyin istid‘aname vermediği halde hükm-i i‘lâmın icrasına teşebbüs olunur.

Altıncı Madde: Celb-i hususi Divan-ı Ahkâm-ı Adliye Nizamname-i Dahilisi’nin kırk sekizinci ve kırk dokuzuncu ve ellinci maddelerine tevfikan icra olunur. Fakat işbu celb için gönderilecek matbu‘ ve koçanlı pusulalar cemiyete mahsus mühür ile mühürlenip muamelâtı mukayyidler marifetiyle icra kılınır.

Yedinci Madde: Birbirini mütaakıb sekiz gün zarfında üç defa celb pusulası gönderilip de son davete icabet etmeyenler âhâddan ise cânib-i zabıta ve memurinden ise tabi‘ olacağı amiri vasıtasıyla celb ettirilir.

Sekizinci Madde: Beşinci maddede muharrer olacağı vechle i‘lâm suretlerinin tebliğ ve i‘tası Divan-ı Ahkâm-ı Adliye Nizamname-i Dahilisi’nin altmış altıncı ve altmış yedinci maddelerine tevfikan icra kılınır.

Dokuzuncu Madde: Suret-i i‘lâm tebliğ ve i‘ta olunduğu tarihten itibaren verilen mühletin inkızasında mahkûmun aleyh ile dâin veya vekilleri celb olunarak hükm-i i‘lâmın icrasına teşebbüs olunur.

Onuncu Madde: Bir i‘lâmın mefhum ve meâlinde şüphe olunduğu halde icra cemiyeti tarafından i‘lâmı i‘ta etmiş olan mahkemeye bi’l-müracaa istizah-ı keyfiyet olunur.

On Birinci Madde: Mahkûmun bih olan düyûnu ifa etmeyen medyunun Hukuk-ı Adiye ve Ticariye Usul-i Muhakemesi Kanunnamesi mucibince habs ve haciz veya merhun olan emval-i menkule ve gayr-i menkulesinin füruhtu icra cemiyetinin vezaifindendir.

( Fasl-ı Sani )

( İcra cemiyetince alınacak harc ve masrafın mikdar ve envaı )

On İkinci Madde: Rüsum-ı tahsiliye yüzde iki olup meblağ-ı mahkûmun bih tahsil olundukça istifa kılınır.

On Üçüncü