353

Tesviyesine müdahale edemezler ve sulhan bitirdikleri davalar içün ilâm vermeyip yalnız suret-i sulhiyyeyi mübeyyin tarafeyn musalihinden bir kıt'a sened ahz ederler.

İkinci Madde: İhtiyar meclislerinin verdikleri kararların müddeî ve müddeî aleyhin sulhan kabulleri olmadıkça ve ahadühümâ âharın zimmetini ibra etmedikçe bir gûne hükmü olamaz. Şu kadar ki usûlüne muvafık olarak sulhan bitirilen ve tarafından sened verilen davaların mahakime me'mur meclislerde fasl ve rü'yeti câiz değildir.

Üçüncü Madde: İhtiyar meclislerinin sulhan tesviyesine me'zun oldukları daâvînin suret-i rü'yet ve tesviyesi Vilâyet Nizâmnâmesi'nin altmışıncı maddesine tevfikan cereyan eder.

( Fasl-ı Sânî )
( Kaza Daâvî Meclislerinin Vezâif )
( ve Salâhiyetlerine Dâirdir )

Dördüncü Madde: Her kazanın daâvî meclisi evvelâ nizâma müteallik olmayarak mehâkim-i şer'iyyede rü'yeti lâzım gelen ve ahali-i gayr-i müslimeye ait olup idare-i ruhaniyeleri marifetiyle rü'yeti mutat olan daâvî-i mahsusadan ve saniyen sırf umur-ı ticârete müteallik olup ticâret mahkemesinde görülecek olan davalardan maada kanunî ve nizâmî vuku bulan daâvînin ve kabahat ve cünha derecesinde bulunan hususat-ı cezâiyenin rü'yet ve tedkikine me'murdur.

Beşinci Madde: Ticâret mahkemesi bulunmayan kazalarda ticârete müteallik davalar Ticâret Kanunu'na tevfikan Kaza Daâvî Meclisi'nde fasl ve rü'yet olunur.

Altıncı Madde: Her kazanın daâvî meclisi dördüncü maddede istisna olunan hususattan maada ol kazanın taht-ı idaresinde bulunan nevâhi ve kurada beş bin kuruş kıymet ve senevî beş yüz kuruş irad üzerine tekevvün eden davaları kat'iyyen ve bu miktar kıymeti ve iradı tecavüz eden daâvîyi ve tayin...

45