366

ve sâirenin ve temyîz-i hukuk ve daâvî meclislerinden i'tâ kılınacak olan
mazbataların harçlariyle mebâliğ-i mahkûmenin hîn-i tahsîlinde alınacak rüsûm-u
tahsîliyenin târîh ve numarasiyle mikdâr ve kemmiyeti sebt ve tahrîr olunmak içün
gönderilecek matbû' üç nev' defter temyîz-i hukuk veyâ meclis-i daâvî
kâtiblerinin idâresinde ve harc ve rüsûmâtdan hâsıl olan mebâliğ hıfz
olunmak üzere zikr olunan meclislerin odalarında bir sandık ittihâz olunup
bu sandık dahi meclis mümeyyizlerinin hey'etiyle taht-ı nezâretinde ve münâvebe ile
mümeyyizlerden birinin hıfz ve idâresi altında bulunacak ve meclis kâtibleri
lâzım olan şeyleri kayd ve tahrîr etdikden sonra zikr olunan üç kıt'a
defter dahi işbu sandığa vaz' ile her akşam üzeri kâtib ve mümeyyizlerden
birinin mühriyle temhîr olunarak hıfz edilecektir.

Dördüncü madde: Senedât-ı şer'iyyenin ve temyîz-i hukuk ve daâvî meclislerinden
i'tâ kılınacak mazbataların harçlariyle mebâliğ-i mahkûmenin tahsîlinde istifâ
kılınacak rüsûmât içün üçüncü bendde beyân olunan matbû' defterlerin
kenarlarında kesilüp verilmek ve zahrları mühürlenmek üzere ufak tezkereler
olduğundan ve her birine mahsûs sıra numarosu defterinde muharrer
numarolarının aynı olmak lâzım geleceğinden bu tezkereler defterler ile berâber
sandıkda bulunup muhâsib kâtibi zîrde beyân olunacak kâide üzere
isti'mâl edecek ve her ay nihâyetinde hesâbını verecekdir.

( Mehâkim-i Şer'iyye Senedâtından Alınacak Harclar )

Beşinci madde: Mehâkim-i şer'iyyede gerek doğrudan doğru görülen ve gerek
hükûmet cânibinden havâle ile rü'yet olunan daâvâların sûret-i hükmünü
mutazammın olan ve emlâk içün verilen hücec ve i'lâmât ve defter-i kassâm
ve izinnâme ve'l-hâsıl küçük ve büyük kâffe-i vesâik ve senedât-ı şer'iyyenin
hîn-i tanzîminde ber-mûceb-i ta'lîmât harcı kaç guruş eder ise kabl-et-temhîr
zahrine nâib efendi tarafından kendi kalemiyle ve rakam ve kelime ile işâret
olunarak kazâlarda doğruca daâvî meclisine ve re's-i livâda temyîz-i hukuk
meclisine