401

Yüz kırk altıncı madde: Poliçe temessüklerine dair ve tüccar ve bazirgân ve sarraflar taraflarından imza ve gerek ticaret maddeleriçün ita olunan sipariş tahvillerine mütedair bilcümle davalar protestonun tarihinden itibaren beş sene ve eğer aleyhine hüküm olunmamış veyahud deyn hususunu başkaca bir sened ile tahkik ve tebyin olunmamış ise andan sonra vaki olan mahkemece id’adan itibaren kezalik beş sene güzeranında gayr-ı mesmu’dur ancak medyun olmak üzere add olunan kimeselerden sual olunmak iddia olunur ise min-ba’d deynleri ödediğini yemin ile tasdik etmeleri ve bunların verese ve alaka-darları dahi hiç bir deyn kalmadığını hilesiz itikad eylediklerini kezalik kasem ile tasdik etmeleri lazımdır.

(Kısm-ı sani ahval-i iflas beyanında olup bu dahi nice fusulü şamildir)
(Fasl-ı evvel iflas keyfiyetinin beyan ve ilanına dair olarak çend babı müştemildir)

Yüz kırk yedinci madde: Ahz ve itası sıfat-ı ticarete muvafık olan tüccar ol sıfatda bulunan vereceğini veremediği halde müflis olmak üzere itibar olunur.

( Bab-ı evvel iflasın ilanına dairdir )

Yüz kırk sekizinci madde: Beher müflis ifay-ı deyn edemediği günden itibaren üç gün zarfında mukim olduğu mahallin ticaret vekiline bir kıt’a ihbarname ile iflasından haber vermeğe mecburdur ve vereceğini ödeyemeyerek kat’-ı rişte-i muamelat eylediği günden dahi işbu üç mühlete dahildir ve kollektif ta’bir olunan umumi bir şirketin iflası zuhurunda yekdiğere mütekeffil şeriklerden her birinin ismi ve mahal-i ikameti salifü’z-zikr ihbarnamede tasrih kılınmak lazımdır.

Yüz kırk dokuzuncu madde: İflasın ihbarnamesiyle beraber bilanço ta’bir olunur defterin itası lazımeden olduğunu misillü defter-i mezkûru veremediği halde esbabını beyanına mübaderet eylemek icabındandır ve menkul ve gayr-ı menkul medyunun bilcümle eşya ve emlakinin mikdar ve kıymeti ve düyun ve zimmat ve kâr ve ziyan ve masarifinin keyfiyeti işbu bilanço defterinde münderic olması ve sahih olmak...
li
51