414

Ticaret memurlarına iş'ar olunarak hulasası ihrac ve celb kılınmak hususlarına ticarethane tarafından ibtidar olunur.

İki yüz dördüncü madde
Müflisin ber-vech-i muharrer kabul olunan her bir düyunu senedatının zahrine şu kadar kuruş müflisin defter-i düyununa kayd olunmuştur fi tarih-i falan deyu şerh verilerek ticarethane memuru tarafından dahi tasdik ve işaret olunur ve beher alacaklı alacağı tahkik olunduğu günden itibaren sekiz gün zarfında alacağının makarin-i sıhhat idüğünü memur-u mumaileyhe tasdik ettirmeğe mecburdur.

İki yüz beşinci madde
Müflisin düyun-u vakıasının birisinde münazaa vuku bulduğu halde bir gûna şikayet ve iddiaya hacet kalmaksızın keyfiyetin ticarethaneye arz ve ifadesi ticarethane memurunun iktiza-yı memuriyetinden olup ol babda malumatı olan kesanın ticarethaneye celb ve ihzariyle keyfiyetin memur-u mumaileyh muvacehesinde tahkik ve zahire ihracı taraf-ı nezaret-i ticaretten emr ve tenbih olunur.

İki yüz altıncı madde
Kabulden imtina olunan bir düyuna dair vuku bulan münazaanın ticarethaneye arz ve isali takdirinde yüz doksan dokuzuncu ve iki yüz dördüncü maddelerde beyan olunduğu vechile memalik-i mahrusada mütemekkin olanlar hakkında mukarrer olan mühletin inkızasından evvel gerçi o münazaa hükm-ü kat'iye salih değil ise reviş-i maslahata göre o makule münazaa konkordo senedinin tanzimi içün meclisin teşkiline kadar tehir ve temhil veyahut maslahatın arkasını almak içün heman rüyet ve tesviyesiyle meclis-i mezkûrun ba'de teşkil olunması ticarethane tarafından hükm olunur. Gerçi o makule mevaddın rüyeti meclisin teşkilinden evvel hükm olunur ise bu vechile münazaun fih olan alacaklı ber-mucib-i karar tayin olunacak meblağ içün iflas müzakeratına muvakkaten dahil olur.

İki yüz yedinci madde
Bir matlubdan dolayı vuku bulan münazaanın mecalis ve mehakim-i saireye havalesi takdirinde iki suretin icrası caizdir. Birisi münazaun fiha olan maddenin rüyet ve faslına kadar muamelat-ı iflasiyenin icrası tevkif kılınmak ve diğeri dahi bunun aid olduğu mahalden...

Rü'yeti