431

İkiyüz elli dokuzuncu madde: Eşya-yı gayr-i menkule hasılatı taksim ve tevzi olunmazdan evvel eşya-yı menkule furuhtundan hasıl olan mebaliğin bir müteaddid taksimleri vuku bulduğu halde tahakkuk ve tasdik olunmuş imtiyaz ve rehin sahibi olan alacaklılar alacaklarının yekûnuna nisbeten akçe tevziine dahil olurlar. Fakat eşya-yı menkule esmanından alınan mebaliğin eşya-yı gayr-i menkule hasılatından ifraz ve tefriki hususu atide beyan olunduğu vechile icra olunur.

İkiyüz altmışıncı madde: Eşya-yı gayr-i menkule furuht olunduktan ve rehin ve imtiyaz ashabı olan alacaklılar beyninde sıra ve münavebe usulü kat'iyyen tanzim kılındıktan sonra matlubları eşya-yı gayr-i menkule semeninden tediye olunmak üzere nöbetleri gelecek alacaklılar adi alacaklıların masasından ahz ettikleri mebaliğin tenzilinden sonra eşya-yı merhune kıymetinden kendilerine aid hissenin ahzine sırasıyla destres olurlar. Ve bu vechile tenzil olunacak mebaliğ rehinli alacaklıların masasında kalmayıp adi alacaklıların masasına iade ve teslim ve mezkûr adi masanın menfaati işbu ifraz ve tefrik hususlarının icrasıyla ikmal ve tetmim olunur.

İkiyüz altmış birinci madde: Eşya-yı gayr-i menkule esmanı tevziine duhul ile alacağının fakat bir miktarını almış olan rehin ashabı hakkında vech-i ati üzere muamele olunur: Ashab-ı rehin eşya-yı gayr-i menkule esmanından hisse ahz eyledikten sonra müflisin sair adi alacaklılarının masasına duhul ile kusur matlubları olan mebaliğe kıyasen hisse-i icabiyeleri kat'iyyen tanzim ve tesviye olunmak istihkakları icabındandır. Ve mukaddemki tevziden hisse-i şaialarından ziyade akçe ahz etmiş bulundukları halde işbu ziyade alınan akçe rehinli olan alacaklıların masası yekûnundan tenzil ve tevkif olunarak adi alacaklıların masasına ita ve teslim kılınır.

İkiyüz altmış ikinci madde: Rehinli olan alacaklıların alacağı usulüne tatbikan rüyet ve kayd olunmamış ise adi alacaklılar mesabesinde tutulup