Büyük Dil Modeli Tarafından Üretilen Metin
451
Yirmi sekizinci mâdde: Kânûnen umûr-ı ticâretten add olunan mevâd gerek heyet-i asliyesiyle ve gerek imâl olunduktan sonra âhara satılmak veyâhûd kirâ ile verilmek içün her nevi eşyâ ve erzâk mübâyaası ve li-ecli't-ticâre fabrikacılık ve komisyonculuk ve karada ve denizlerde ve nehir ve göllerde eşyâ nakli ve bir mahalle zahâir ve emvâl ve eşyâ verilmek taahhüdâtı ve li-ecli't-ticâre şunun bunun mesâlihini görmek ve fürûht olunacak her nevi eşyânın müzâyedesi icrâ olunmak içün mahaller tahsîs ve küşâdı ve ol mahallerin muâmelâtı ve tiyatroculuk misillü halk içün temâşâgâh küşâdı sanatı ve kambiyo ve sarrâflık ve simsârlık umûru ve bankaların bi’l-cümle muâmelâtı ve tüccâr ve esnâf ve sarrâf beyninde taâtî olunan tahvîlât ve vukûa gelen bi’l-cümle taahhüdât ve her şahs beyninde alınıp verilmekde olan poliçe senedâtı veyâhûd bir mahalden dîger mahalle nakl ve irsâl olunmakda olan akçelere dâir verilen ve bir şahsın emrine veyâ her kim ibrâz eder ise aña te’diye olunmak üzere yazılan bono ve tahvîlât husûslarından ibâret olacakdır.
Yirmi dokuzuncu mâdde: Kezâlik kânûnen umûr-ı ticâret-i bahriyeden add olunan mevâd sefîne inşâsına dâir bi’l-cümle taahhüdât ve dâhilen veyâ hâricen vukûbulan seyr ü sefer içün sefâyin iştirâsı ve fürûhtu ve bahren emvâl ve eşyâ nakl ve irsâli ve sefîne içün âlât ve zahîre ve mâlzeme-i sâirenin kezâlik mübâyaa ve fürûhtu ve sefîne navlı ve îcâr ve istîcârı ve sefîne ve gerek hamûlesi üzerine olunan ikrâz ve istikrâz keyfiyeti ve sigorta mâddesiyle sâir umûr-ı ticâret-i bahriyeye müteallik bi’l-cümle mukâvelât ve senedât ve gemi tâifesinin ücret ve maâşlarına dâir olan mukâvelât ve tüccâr sefâyininin hizmetiçün tâifelerinin taahhüdâtı husûslarından ibâret olup işbu mevâd-ı muhtelifeye müteallik kâffe-i deâvî ticâret mahkemelerinin bahriye meclislerinde rü’yet ve fasl olunacakdır.
Otuzuncu mâdde: Ticâret mahkemelerinin bahriye meclisleri her bir nevi avarya husûslarına dâir olan münâzaâtı dahi rü’yet ve hükm edecekdir fakat sefâyinin yekdîgerine veyâhûd sâhilde bulunan binâlara çatması mâddesinin tahkîkâtını evvel emirde erbâbından mürekkeb bir komisyona havâle ederek ba’dehu ol komisyondan tanzîm ve i’tâ olunacak raporto meâline nazaran fasl ve tesviye eyleyecekdir.
Yirmi sekizinci mâdde: Kânûnen umûr-ı ticâretten add olunan mevâd gerek heyet-i asliyesiyle ve gerek imâl olunduktan sonra âhara satılmak veyâhûd kirâ ile verilmek içün her nevi eşyâ ve erzâk mübâyaası ve li-ecli't-ticâre fabrikacılık ve komisyonculuk ve karada ve denizlerde ve nehir ve göllerde eşyâ nakli ve bir mahalle zahâir ve emvâl ve eşyâ verilmek taahhüdâtı ve li-ecli't-ticâre şunun bunun mesâlihini görmek ve fürûht olunacak her nevi eşyânın müzâyedesi icrâ olunmak içün mahaller tahsîs ve küşâdı ve ol mahallerin muâmelâtı ve tiyatroculuk misillü halk içün temâşâgâh küşâdı sanatı ve kambiyo ve sarrâflık ve simsârlık umûru ve bankaların bi’l-cümle muâmelâtı ve tüccâr ve esnâf ve sarrâf beyninde taâtî olunan tahvîlât ve vukûa gelen bi’l-cümle taahhüdât ve her şahs beyninde alınıp verilmekde olan poliçe senedâtı veyâhûd bir mahalden dîger mahalle nakl ve irsâl olunmakda olan akçelere dâir verilen ve bir şahsın emrine veyâ her kim ibrâz eder ise aña te’diye olunmak üzere yazılan bono ve tahvîlât husûslarından ibâret olacakdır.
Yirmi dokuzuncu mâdde: Kezâlik kânûnen umûr-ı ticâret-i bahriyeden add olunan mevâd sefîne inşâsına dâir bi’l-cümle taahhüdât ve dâhilen veyâ hâricen vukûbulan seyr ü sefer içün sefâyin iştirâsı ve fürûhtu ve bahren emvâl ve eşyâ nakl ve irsâli ve sefîne içün âlât ve zahîre ve mâlzeme-i sâirenin kezâlik mübâyaa ve fürûhtu ve sefîne navlı ve îcâr ve istîcârı ve sefîne ve gerek hamûlesi üzerine olunan ikrâz ve istikrâz keyfiyeti ve sigorta mâddesiyle sâir umûr-ı ticâret-i bahriyeye müteallik bi’l-cümle mukâvelât ve senedât ve gemi tâifesinin ücret ve maâşlarına dâir olan mukâvelât ve tüccâr sefâyininin hizmetiçün tâifelerinin taahhüdâtı husûslarından ibâret olup işbu mevâd-ı muhtelifeye müteallik kâffe-i deâvî ticâret mahkemelerinin bahriye meclislerinde rü’yet ve fasl olunacakdır.
Otuzuncu mâdde: Ticâret mahkemelerinin bahriye meclisleri her bir nevi avarya husûslarına dâir olan münâzaâtı dahi rü’yet ve hükm edecekdir fakat sefâyinin yekdîgerine veyâhûd sâhilde bulunan binâlara çatması mâddesinin tahkîkâtını evvel emirde erbâbından mürekkeb bir komisyona havâle ederek ba’dehu ol komisyondan tanzîm ve i’tâ olunacak raporto meâline nazaran fasl ve tesviye eyleyecekdir.