456

Kırk dokuzuncu madde
Da‘vacılar muhakeme zımnında esamisiyle meclise çağrıldıkça bunları divanhaneden meclis odasına celb etmek üzere meclis-i muhakemeye mahsus olarak iki nefer muhzır ta‘yin olunup bunların biri oda-yı mezkûr dahilinde ve diğeri haricinde duracakdır bir de icabı takdirinde mahkeme reisinin tenbihat-ı vakıasının icrası-çün oda-yı mezkûr haricinde mahalline göre nöbetle ikişer nefer nöbetçi zabtiye bulunacakdır

Ellinci madde
Muhakeme esnasında sahib-i da‘va olanlar daimî ve muvakkat a‘zanın hiç birisiyle ayrıca bir gûne mükâleme edemeyeceklerdir

Elli birinci madde
Ber-da‘va meclise celb olundukda daimî ve muvakkat a‘za tarafeyni meclisde sulha kalkışmağa bir vechle me’zun olmayıp ol da‘vayı usul ve kanuna tevfikan rü’yet ve hükm etmeğe mecbur olacaklardır

Elli ikinci madde
Ber-da‘vanın esna-yı muhakemesinde henüz müzakeresi vakti gelmemiş iken daimî ve muvakkat a‘za ol da‘vanın aleyhine ve lehine bir gûne re’y ve efkâr beyan etmekden ictinab eylemekle mecbur olacaklardır

Elli üçüncü madde
Kâtiblerin eñ ehliyetlilerinden birisi lüzumu takdirinde ikisi icra-yı muhakemenin ibtidasından intihasına kadar meclisde bi-heme-hal bulunmağa ve suret-i muhakemeyi aynıyla ve münavebe tarikiyle zabt etmek üzere bir zabt-ı muhakeme defteri tutmağa mecbur olacakdır

Elli dördüncü madde
İşbu zabt maddesinde evvelâ reisin ismi saniyen her da‘vanın rü’yet ve muhakemesinde hazır bulunan a‘zanın isim ve şöhretleri salisen müdde‘i ve müdde‘i aleyhin isim ve şöhret ve sıfatları ve kangı devlet teb‘asından oldukları ve muhtasarca ifadat-ı vakıalarıyla hulasa-yı da‘va ve maksadları rabi‘an ibraz olunan senedatın ne olduğu hamisen şayed şuhud istima‘ olunacak olur ise anların dahi isim ve şöhretleriyle kangı devlet teb‘asından oldukları ve ifadeleri sadisen meclisde ber-da‘vanın rü’yeti esnasında bakılmağa muhtaç yekden bir şey zuhur eder ise anın dahi fezleke-i meali
sabi‘an