460

olunmuş veyahud henüz derdest-i rüyet bulunmuş olan bilcümle deavinin müfredat defterini hülâsa-i kuyûdundan ihraç ve tanzim ile Ticaret Nezaretine i'ta ve irsal etmeğe me'mur ve mecbur olacaklar ve sene-i kâmile hitamında umumi bir hülâsa yapılıp aslına mutabık olduğu reis-i meclis tarafından tasdik olunup kezalik nezarete i'ta kılınacak ve işbu hülâsa-i seneviye nezaret tarafından dahi Dersaadet'de tab' ve neşr olunan gazetelere elsine-i muhtelife üzere derc ve i'lan ettirilecektir.

Yetmiş ikinci madde
Ticaret mahkemeleri reisleri her dürlü evrak ve mühr ve imzalarının tasdikini imzaları ve mahkemenin mührü ile icra edeceklerdir. Fakat Memalik-i Mahrusa'nın her tarafında muteber ve kabule şayan olmak üzere rüesa-yı mumaileyhimin imzaları ve mahkemelerin mühürleri Dersaadet'de ise Ticaret Nazırı tarafından ve taşralarda ise mahalli hükümeti büyük me'muru canibinden tasdik kılınacaktır.

Yetmiş üçüncü madde
Her bir mahkeme-i ticarette bulunacak tercümanlar mahallince lüzumu mikdar maaş ile muvazzaf olacaklardır. Ve bunların vezaif-i me'muriyetleri Türkçe lisanını bilmeyen ashab-ı mesalihın ifadât-ı vakıalarını lisanen ve sair lisan üzere irae olunan rapor ve senedat ve evrak-ı saireyi tağyir-i ma'na etmeksizin tahrîren tercüme ve beyan etmekden ibaret olacakdır.

Yetmiş dördüncü madde
Zikr olunan tercümanlar tahrîren olan tercümeleri imza ederek lisanen ve tahrîren olan tercümeleri aslına mutabakat etmez ise bundan dolayı ashab-ı mesaliha tertib edecek zarar ve ziyandan mes'ul ve tazmine mecbur olacaklardır.

( Beşinci Fasıl )
( Dersaadet İstinaf Divanının Teşkiline Dairdir )

Yetmiş beşinci madde
Rüyet-i deavi-i ticarete dair çıkarılacak nizamnamede ber-vech-i tafsil beyan olunan şerait iktizasınca mecaz olacak istinaf maddelerinin yani mehakim-i ticaretin birinde fasl ve hükm olunmuş olan bir davanın ilâmı aleyhinde vuku bulacak şikâyetin merci'i olmak ve o makûle ilâmâtı...