462

Fasılda mestûr olan maddelerin cümlesi İstinaf Divanının umur-ı dahiliyesi hakkında dahi mer’iyyü’l-icra olacakdır.

( Altıncı Fasıl )
( Protesto Usulüne Dairdir )

Seksen dördüncü madde — Poliçe hakkında olunacak protesto hâmil-i poliçe veyahut vekil istidasıyla icra olunacakdır.

Seksen beşinci madde — Ticaret Kanunname-i Hümâyûbunun yüz otuz ve yüz otuz ikinci maddelerinin ahkâmı zirde muharrer seksen altıncı ve seksen yedinci maddelerde tasrih ve izah olunmağla işbu maddeler ol vechile mer’i olacakdır.

Seksen altıncı madde — Bir poliçenin adem-i kabulünden veyahut bedelinin adem-i te’diyesinden dolayı lâzım gelen protesto üzerine keşide olunan şahsın sâkin olduğu mahalde bulunan ticaret mahkemesi kalem odası veya ticaret kançılaryası cânibinden icra olunacakdır. Ol mahalde ticaret mahkemesi veyahut kançılaryası olmadığı takdirde zikr olunan protesto mahalli hükümeti tarafından şerait-i mukarreresine tatbikan bi’l-icra muteber tutulacakdır.

Seksen yedinci madde — Tüccar ve eşhas-ı sâire tarafından şehadetname kılıklı tanzim olunan evrak bâlâda ve Kanunname-i Ticaretde şeraiti mukarrer olan protesto yerini tutamayacakdır. Zayi olan poliçe hakkında dahi kanunname-i mezkûrun yüz yedinci maddesinden yüz on birinci maddesine değin münderic olan şeraitle müracaatla hareket olunacakdır.

Seksen sekizinci madde — Protesto usulü poliçe kimin üzerine çekilmiş ise anın ve lede’l-iktiza bedelini te’diye etmek üzere poliçe derununda beyan kılınmış olan eşhasın veya tavassut poliçeyi kabul etmiş olan üçüncü bir zâtın mahal-i ikametlerinde bir nüsha olmak üzere yazılıb taraflarına birer musaddak sureti gönderilerek icra kılınacakdır.

Seksen dokuzuncu madde — Poliçe kâğıdında üzerine keşide olunan şahsın mahal-i ikameti doğru beyan olunmadığı varanılubda bulunamadığı halde

Protesto