463

Protesto usulünün icrasından evvel her ne kadar taharri olunmuş ise bulunamamış olduğunu mutazammın memuru tarafından bir kıt‘a ilmühaber tanzim ve ita olunduktan sonra protesto usulü dahi bi’l-icra mahallinde ticaret mahkemesi veyahut kançılaryası mevcud olduğu takdirde kapılarına ve olmadığı suretde hükümet kapusuna bir kıt‘a sureti ta‘lik kılınacaktır.

Doksanınıcı madde: Bir poliçe bedelinin adem-i te’diyesinden dolayı icrası lazım gelen protesto usulünün mukarrer olan ahkâmı bir dayinin emr ü sipariş edeceği mahalle verilmek üzere yazılan tahviller hakkında dahi mer‘iyyü’l-icra olacakdır işbu zikr olunan protesto usulü bir konturat veyahut bir teahhüd mukavelesi ahkâmının adem-i icrasından veyahut icrasının teahhurundan tanzim olunacak protestolar hakkında dahi icab-ı maslahata göre meselesi tebdil ve tağyir olunarak icra kılınacaktır.

( Yedinci Fasıl )
( Zarar ve ziyan tazminine dairdir )

Doksan birinci madde: Bir şeyin verilmesi veyahut yapılması hususuna dair olan bir konturat veya bir teahhüd ahkâmının adem-i icrasından veyahut icrasının teahhurundan dolayı müteahhidden iddia olunan tazminat hususu teahhüd eylediği maddenin icrası içün müteahhid tarafından resmen ve tahrîren ihtar kılınmadıkça lazım gelmeyecekdir fakat müteahhidin teahhüd etdiği şey bir va‘de-i mukarrere mürurundan sonra ita veya tanzim ve tesviye olunur mevaddan olduğu ve icra olunmaksızın va‘de-i mezkûre münkazıye olduğu halde müteahhidin ihtar kılınmasına hacet olmayarak zarar ve ziyan tazminine mecburiyeti iktiza edecekdir kezalik teahhüd hususu bir şeyin yapılmamasına dair olub da müteahhid bunun aksi hareketde bulunur ise ihtar ve protesto olunmaksızın zarar ve ziyan tazminine mecbur olacakdır.

Doksan ikinci madde: Müteahhidin ihtarı keyfiyeti bir ihtarname veya protesto ve sair bu misillü varaka-i resmiyenin tebliğiyle icra olunacaktır ve bir de asıl mukavele...