468

İçün gemi ve taifelerinin üzerine vaki olan istikrazat-ı bahriye âşira
sefinenin sefer-i ahiri içün gemi ve takımı ve donatması üzerine olunan
sigorta ücreti hadi aşer gemiye tahmil olunan mal ve eşyanın
kapudan veyahut taifesinin taksiratlarına mebni zayi olub sahibine teslim
olunmadığı veyahut avarya suretiyle yani hasarat-ı bahriye kabilinden olarak
bozulduğu içün verilmesi lazım gelen zarar ve ziyan tazmini hususları
deyn içün furuht olunan sefinenin semeni bilcümle deynlerinin ifasına
vefa etmediği takdirde işbu maddenin her bir fıkrasında mestur olan alacaklı
birleşerek herkes alacağına nisbet semen-i mezburdan garame hisse alacaklardır
fakat bunun icrasında atide beyan olunacak yüz altmış ikinci maddenin
hükmüne halel getirilmeyecektir
Altıncı madde madde-i sabıkada muharrer bulunan düyunun imtiyazı zirde tasrih
olunacak veçhile sabit olmadıkça kabul olunmayacaktır
Evvela daavi masarifi sefinenin zabt ve furuhtu hükm eden mecalis-i
ticaret tarafından tasdik olunacak müfredat pusulalariyle müsbit bulunacaktır
Saniyen kılavuz ücreti ve liman ve palamar ve havuz harc ve resimleri ahz edenler
tarafından verilecek ilmühaberler ile isbat olunacaktır Salisen beşinci
maddenin birinci ve üçüncü ve dördüncü ve beşinci fıkralarında beyan olunan düyun
meclis-i ticaret tarafından tasdik olunacak müfredat pusulalariyle tebeyyün
edecektir Rabian taifenin ücret ve maaşları liman odalarında ve liman
odaları bulunmayan mahallerde ticaret kançılaryalarında tutulacak taife
defterlerinden tahakkuk eyleyecektir Hamisen sefer-i ahir esnasında sefinenin
levazımatı içün istikraz olunan akçe ile hamulesinden satılmış olan
emval ve eşyanın semeni istikrazın lüzumu musaddak kapudan ve gedikli taifesi
taraflarından tanzim olunacak mazbata ile tebeyyün edecekdir Sadisen
bir sefinenin kâmilen veyahut hisse furuhtu keyfiyeti balada mestur
üçüncü maddenin şeraiti üzere tanzim olunmuş olan sened-i resmî ile
ve sefinenin inşası ve donatması ve levazımatı teçhizi ve kumanyası içün
verilen