492

Meşrut olan mahal ve müddet hamisen icare yani navl bedelinin mikdar ve kemiyeti sadisen mukavele geminin mecmuu veyahod mikdar-ı yeri üzerine veyahod ne kadar hamule tahmil itmek üzere akd olundığı sabian hamulenin tahmil ve tahliyesinde vuku‘ bulacak teahhurdan dolayı virilmesi meşrut olan tazminat hususları zikr ve beyan olunmak lazımedendir.

Doksan üçüncü madde istarye günleri yani sefinenin tahmil ve tahliyesinin müddeti tarafeynin mukavelenamesinde tayin ve tahsis olunmadığı halde mahallinde bunın içün âdet-i cariye var ise ol âdete müracaat olunur ve yoğise kapudanın tahmil ve tahliyeye hazır oldığını beyan itdiği günden itibaren tatil günlerinden maada ale’t-tevali on beş gün müddet olacakdır.

Doksan dördünci madde hamulenin bir mikdarı berride ve kusuru diğer mahalde tahmil ve tahliye olunması mukavele olundığı halde sefine birisinden diğerine gidinceye dek mürur iden zaman tahmil ve tahliye içün meşrut olan müddete mahsub olunmaz.

Doksan beşinci madde sefine mahiye üzerine icare olunub da bedel-i icare hakkında âher gûne bir mukavele olmadığı takdirde mahiyesi sefinenin kıyam ve hareketi gününden itibaren işleyecekdir.

Doksan altıncı madde geminin kıyam ve hareketinden evvel gideceği meşrut olan mahal ile emr-i ticarete dair memnuiyet zuhur ider ise navl mukaveleleri münfesih olub tarafeynin biribirinden tazmin-i zarar iddiasına hakkı olmıyacakdır ve muhammil olan kimesne emval ve emtiasının tahmil ve tahliyesiçün vaki‘ olan masarifın tediyesine mecbur olacakdır.

Doksan yedinci madde esna-yı rahda geminin gideceği limana duhûlü veyahod hamulesinin ihracı hakkında bir mani‘ zuhurunda kapudan âher gûne emr ve talimatı yoğise yanaşması memnu‘ olmayan diğer liman karibine gidub keyfiyeti icabına göre muhammil yahod mütesellim ile bi’l-muhabere cevaba muntazır olacakdır.

Doksan sekizinci madde def‘i elden gelmeyen bir sebeb-i mecburi geminin limandan…