505

Meğer ki bunun içün navl itası hakkında başkaca bir mukavele ola.

Yüz kırk yedinci madde: Yolcu sefinede beraber götürdüğü eşya hakkında muhammil nazariyle bakılır. Binaenaleyh ol eşyayı kapudana teslim etdikde kapudan ahzini müş’ir aña bir makbuz senedi itasına mecbur ve işbu kanunnamede muhammiller hakkında beyan olunan mevadın havi olduğu hukuk ve mecburiyet ol yolcu ve eşya hakkında dahi cari olur. Fakat eşya-yı mezkûreyi kapudana veya kendisi içün tesellüme memur olan diğer kimesneye teslim etmeyip de kendi nezdinde alıkoyduğu takdirde zayi ve telefden ve ya hasar-dîde olmasından dolayı kapudandan hiç bir zarar ve ziyan tazmini iddiasına hak olmaz. Meğer işbu telef ve hasar kapudanın ve ya taifesinin sebebiyet ve hatalarından naşi vaki olmuş ola.

Yüz kırk sekizinci madde: Yolcunun esna-yı seferde vefatı vukuunda derun-ı sefinede bulunan eşyasının muhafazasiyle veresesine itası içün kapudan vakit ve hale göre tedabir-i lazimenin ittihazına mecburdur.

Yüz kırk dokuzuncu madde: Henüz tediye olunmamış olan navl ve nafaka bedelinin istihsali içün yolcunun sefine derununda olan eşyası üzerinde kapudanın hakk-ı tevkif ve imtiyazı olup fakat bu hak ve imtiyaz yalnız eşya-yı mezkûre sefinede tevkif veya kapudan tarafından bir mahalle emaneten vaz’ ile hıfz olunduğu müddetçe baki olup bir takrib ile sahibi tarafından ahz ve ihrac olunduğu gibi bu hak ve imtiyaz sakıt olur.

Yüz ellinci madde: Yolcunun talebine yahut menafi-i zatiyesine mebni kapudanın esna-yı seferde meşrut olmayan bir limana girmekliğe ve ya ziyade müddet beklemekliğe mecburiyeti yoktur. Fakat illet-i sariye’ye düçar olmuş olan yolcuyu en evvel yanaşması mümkün ve meskûn olan limana duhul ile taşraya ihraca mezun ve muktedirdir.

( Onuncu Fasıl )
( İstikraz-ı Bahri Kontratosuna Dairdir )

Yüz elli birinci madde: İstikraz-ı bahri kontratosu sefine ve ya hamulesi
l

64