522

İki yüz yirminci madde
Sigorta bir vakt-i mahdud için vaki olduğu halde madde-i anifede esfar-ı kasire ve medide hakkında tayin olunan müddetlerin inkızasından sonra sefine sigortanın vakt-i mahdudu içinde zayi olmuş itibar olunacaktır. Fakat muahharan geminin sigorta vaktinin haricinde zayi olmuş idüğü ispat olunur ise terk-i hususi ke-en-lem-yekün hükmünde olup bunun için tediye olunmuş bulunacak tazminatın faiz-i kanunisiyle beraber red kılınması lazım gelecektir.

İki yüz yirmi birinci madde
Cebelüttarık Boğazı haricinde ve bahr-i muhitte Avrupa ve Afrika ve Asya’nın bilcümle sevahil ve cezayirine ve Amerika-yı şimali ve cenubiye ve etrafında bulunan cezayire ve anlardan bu canibe vaki olan seferler esfar-ı medideden addolunur.

İki yüz yirmi ikinci madde
Balada muharrer iki yüz on sekizinci maddede zikri sebkat eden tebliğ hususunun varakasında sigorta ettirmiş olan şahıs ister derhal terk-i hususunun icrasıyla derun-ı kontratoda tayin olunan müddet zarfında verilmesi meşrut olan tazminatın kendisine sigortacı tarafından tediyesini teklif ve ister kanunen mukarrer olan müddetler içinde terk-i hususunu icra edeceğini beyan edebilir.

İki yüz yirmi üçüncü madde
Sigorta ettiren kimesne terk-i hususi icra etmekle beraber sefine veya emtia üzerine etmiş veyahut ettirmiş olduğu veya ettirmesini emir eylemiş bulunduğu bilcümle sigortalar ile karz-ı bahri olarak ahz etmiş olduğu mebaliği beyana mecbur olur. Beyan etmediği surette tazminat-ı lazımenin istihsali için terk-i hususi tarihinden itibar olunması lazım gelen müddet marüzzikr hususatın beyanı tarihine değin talik ve tevkif olunur. Ve fakat bundan terk-i hususunun istidası takdim olunmak için tayin olunan müddetin temdidi lazım gelmeyecektir.

İki yüz yirmi dördüncü madde
Sigorta ettiren kimesne anifüzzikr hususatı hilekârane beyan ettiği surette sigortadan faidemand
*ola*