540

İhraç olunduğu veya müddeisi zuhur eylediği zamanda mer’i olan kanun ve nizam ile te’dibi icra olunup muahhar olan kanun ile mücazatı icra olunamaz.

( İkinci Fasıl )

( Cinayata mahsus olan cezaların tafsilatı beyanındadır )

On Altıncı Madde: İdam zirde muharrer olan mevadda tayin olunan cinayetler ashabı hakkında caridir. Bu cezaya müstahak olacak caninin cinayetinin sübutunu ve hükmünü havi balası tuğra-yı garra ile muvaşşah olarak sadır olan emr-i âli ol emirde meydan-ı siyasette alenen kıraat olunmadıkça ol cani katl olunmaz.

On Yedinci Madde: Maktulün cesedi veresesi olduğu halde mensup olduğu milleti marifetiyle defn ettirilir.

On Sekizinci Madde: İdam cezasına müstahak olan karı hamile olduğu ledü’l-ifade hamli tahakkuk ve kesb-i sübut eylediği takdirde cezası vaz’-ı haml ettikten sonra icra olunur.

On Dokuzuncu Madde: Kürek ayaklarında demir olduğu halde hidemât-ı şakkada kullanılmaktır. Kürek cezasına müstahak olan şahıs hakkında teşhir usulü dahi icra olunur. Şöyle ki cezaya hükmeden divan mazbatasının bir hulasası gayet kalın huruf ile yazılıp mücazat olunacak şahıs bulunduğu şehirde bir meydana veya memerr-i nas olan bir mahalle götürülüp işbu hulasa göğsüne konularak iki saat orada tevkif ve halka irae olunduktan sonra ayaklarına demir konularak mahal-i mücazatına gönderilir.
On sekiz yaşından aşağı olan ve yetmiş yaşından ziyade bulunan ashab-ı cinayet işbu teşhir kaidesinden muaf tutulur.

( Fi 7 Zilhicce sene 78 Zeyl )

( Ehl-i İslam’dan ulema ve meşayih ve huteba ve eimme ile milel-i saireden sıfat-ı ruhaniyesi olanlar teşhir kaidesinden muaf ve müstesna tutulur )

Yirminci Madde: Müebbeden kürek ba’de’t-teşhir devletçe tayin olunacak mahallerde

Caninin