575

Verilmeksizin ve keşf olunmaksızın defn eden kimse bir aydan bir seneye kadar habs olunur ve bir mecidiye altınından beş mecidiye altınına kadar cezay-ı nakdi alınır fakat ol kimsede madde-i katle şirket var ise anın içün göreceği ceza başkaca icra olunur.

Yüz yetmiş yedinci madde
Bir kimse bir şahsı cerh ya darp ile bir uzvunu kat' ya tatil eder ise masarif-i cerrahiyesi ve hükm olunacak diyeti istifa olunmasıyla beraber üç sene müddetle küreğe konulur ve eğer bu cinayeti evvelce tasavvur ve tasmim ederek işlemiş olduğunu tebeyyün eyler ise kürek cezası on seneye kadar temdid olunur.

Yüz yetmiş sekizinci madde
Bir kimse bir şahsı yirmi günden ziyade işinden kalmasını yahut hastalanmasını mucib olacak suretle cerh ya darp eyler ise iki aydan iki seneye kadar habs olunur ve masarif-i cerrahiyesiyle mecruh ve madrubun hal-i sıhhatinde kesb edeceği ticaret ve ücretinin misli kendisinden alınıp mecruh ve madruba verilir ve eğer bunu evvelce tasavvur ve tasmim ederek yapmış olduğunu tebeyyün eder ise hapsi müddeti üç aydan üç seneye kadar temdid olunur.

Yüz yetmiş dokuzuncu madde
Cerh ve darp eğer madde-i sabıkada mezkur olan dereceden hafif olur ise carih ve darib olan kimse bir haftadan bir seneye kadar habs olunur yahut buna bedel bir mecidiye altınından beş mecidiye altınına kadar akçe alınıp mecruh ve madruba verilir veyahut bu suretlerin ikisi birden icra olunur ve eğer bunu evvelce tasavvur ve tasmim ederek yapmış olduğu tebeyyün eder ise miktar-ı mezkur akçe alınıp verildikten başka hapsi müddeti dahi bir aydan iki seneye kadar temdid olunur.

( Fi 3 Cemaziye'l-ahire sene 1277 zeyl )

( Katl kasdıyla olmayarak mücerred ihafe için birine silah çeken kimse dahi bir haftadan altı aya kadar habs olunur )

Yüz sekseninci madde
Eğer cerh ve darp fi'li zâten katl kasdıyla olup da