590

...olsun istirak ve ihfa eden şahıs bir mecidiye altınından on beş mecidiye altınınına kadar cezay-ı nakdi ahzıyla mücazat olunur.

( Onuncu Fasl )

( Müzayedeye ve umur-ı ticarete fesad karıştıranların mücazatı )

İki yüz otuz sekizinci madde
Beyne'n-nâs bi'l-müzayede bey' ve şirâ veyahud icar ve isticar olunacak emval ve emlakın müzayedesine kavlen ya fiilen halel veren eşhas on beş günden üç aya kadar hapis ve bir mecidiye altınından yüz mecidiye altınınına kadar cezay-ı nakdi ahz ile mücazat olunur.

İki yüz otuz dokuzuncu madde
Her kim kasden halk beynine sıhhate makrun olmayan veyahud iftira yolunda olan ba’zı maddeler neşri ve bayiin istediği fiyatdan ziyade baha arzı ile veyahud emtia ve erzakdan bir şeyin başlıca sahibleri ol şeyi satmamak veya bir bahadan ziyadeye bey' ettirmemek üzere ittifak ile veyahud sair hileli turuk ve esbabı ittihaz ile emtia ve eşyanın veyahud devlet kavaim ve eshamının serbesti-i bey' ve şirânın tayin edeceği bahalarının tezyid ve tenkisine tasaddi eyler ise bir aydan bir seneye kadar hapis ile mücazat olunur ve beş mecidiye altınından yüz mecidiye altınınına kadar cezay-ı nakdi alınır. Ve eğer balada beyan olunan fiil ve hareket et ve ekmek ve odun ve kömür ve bunlar gibi ahalinin havayic-i asliyesinden olan erzak ve eşya hakkında vukua gelir ise balada beyan kılınan mücazat iki kat olarak icra kılınır.

İki yüz kırkıncı madde
Her kim altın ve gümüşün ayarı veya sahih cevher gibi satılmış bir yalancı taş veya sair her nevi emtianın keyfiyeti üzerine müşteriyi aldatır veyahud eksik vezn ve zira’ istimal eyliyerek bey' olunan eşyanın kemmiyeti hakkında hile eyler ise üç aydan bir seneye kadar hapis olunur ve tazmin-i zarar ettirildikten başka bedel-i tazminin rubu’ mikdarını tecavüz etmemek ve her halde üç mecidiyeden aşağı olmamak üzere cezay-ı nakdi alınır ve eksik vezn ve ziraı dahi kesr ve imha kılınır.

İki yüz kırk birinci madde
Müellifînin imtiyazatı aleyhine olarak kitab basan ve bastıran ve a’mal ve icrası bir şahsa veyahud bir şirkete imtiyaz olarak...