608

( Vilâyet Nizâmnâmesi )

Memâlik-i Mahrûsa-i Şâhâne’nin kıt’ât-ı müteaddidesi levâzım-ı münâsebâtına göre devâir-i müteaddideye taksim ile her dâire vilâyet ismiyle yâd olunacaktır.

Birinci Madde
Her dâirenin idâre-i umûmiyesi mevâdd-ı âtiyede muayyen olan heyet-i idâreye muhavvel ve bu idâre bir merkezde mukarrerdir.

İkinci Madde
Her dâire idâre-i merkeziyenin bulunduğu sancakla berâber livâlara münkasim olarak her bir sancakda bir mutasarrıflık idâresi olup re’s-i livâ olan şehir makarr olacaktır ( * )

Üçüncü Madde
Her sancak müteaddid kazâlara münkasim olarak her bir kazâ dahi bir kâim-makâmlıktır her kazânın baş kasabası kâim-makâm makarrıdır.

Dördüncü Madde
Her kazâ kurâya münkasim olup her karyede aşağıki bendlerde beyân olunan vechle bir idâre-i belediye olacaktır ba’zı kurânın ictimâından hâsıl olan küçük dâireler hasbe’l-mevki’ müstakil kazâ olamayup diğer bir kazâya ilhâkan idâre olunur ve bunlar nâhiye i’tibâr kılınur.

Beşinci Madde
Kasaba ve şehirlerde lâ-akal elli hâne bir mahalle i’tibâr olunup her bir mahalle bir karye hükmünde bulunacaktır.

( Bâb-ı Evvel )
( İdâre-i Umûmiye-i Merkeziye )
( Fasl-ı Evvel )
( İdâre-i Mülkiye )

Altıncı Madde
Vilâyetin umûr-ı mülkiye ve mâliye ve zabtiye ve politikiyyesinin nezâreti ve ahkâm-ı hukûkiyenin icrââtı taraf-ı eşref-i Hazret-i Pâdişâhîden mansûb bir Vâliye muhavvel olup Vâli vilâyet kâffe-i evâmir-i devletin tenfîzine me’mûr...

( * ) Merkez-i vilâyet olan sancakda mutasarrıf olmayup Vâli tarafından bizzat idâre olunmak karar-ı ahîr iktizâsındandır.

olduğu