611

( Divan-ı Temyiz )

On sekizinci madde: Vilayetde bir divan-ı temyiz olub bunun vazife-i me'muriyeti amval ve emlake dair olan deâvi-i hukukiye ile cinayetden münbais olan da'vâlardan derece-i saniyede elviye temyiz hukuk ve cinayet meclislerinin ba'de'r-rü'ye usûlen ve kanunen istinafa mecbur olacakları veyahud ashab-ı hukukun kezalik usûlen ve hukukan istinaf edecekleri hukuk ve cinayet iddialarını rü'yet ve hükm eylemekden ibaret olacakdır (1)

On dokuzuncu madde: Divan-ı temyiz müfettiş-i hükkamın riyaseti tahtında olarak suret-i intihabları beşinci babda beyan olunacak olan mümeyyiz namıyla üçü müslim ve üçü gayr-i müslim altı a'zadan mürekkeb olacak ve işbu meclisde umur-ı hukukiye ve kanuniyeye vakıf taraf-ı devletden mansub bir me'mur-ı mahsus bulunacakdır (2)

Yirminci madde: Divan-ı temyiz evvelâ ahali-i İslamiyeye aid olub mehakim-i şer'iyede rü'yeti lazım gelen ve kezalik ahali-i gayr-i müslimeye aid olub idare-i ruhaniyelerinde görülen deâvi-i mahsusadan ve saniyen sırf umur-ı ticarete müteallik olub mecalis-i ticaretde rü'yet olunan hususatdan gayrı kanuni ve nizami fasl ve hasm olunacak deâvinin rü'yet ve tedkikine me'murdur.

Yirmi birinci madde: Divan-ı temyzde fasl ve hükm olunan deâvi reis ve mümeyyizlerin mühürleriyle memhur mazbata ile valiye arz olunub vali taraf-ı devletden me'zun olduğu derecede hükümlerini icra ile daire-i me'zuniyetinin haricinde olanlarını merkez-i hükûmet-i seniyyenin tedkik ve emrine arz edecekdir.

( Meclis-i Cinayat )

Yirmi ikinci madde: Divan-ı temyzde gerek hukuk-ı âdiye-i nizamiye ve gerek cinayete
______________________
(1) Mehakim-i nizamiye nizamnamesi divan-ı temyizin vezaifini ba'zı mertebe ta'dil etmişdir.
(2) Karar-ı ahir icabınca müfettiş-i hükkamlık mülga olmakla merkez naibi divan-ı temyize riyaset eder.