617

Meclisi azası olup bunlar beşinci babda beyan olunan kaideye tatbikan intihab olunacaklardır.

Kırk yedinci madde
Kaymakam kaza maiyetinde bir idare meclisi olup kaymakamın makarrı olan kazanın hakimi ve müftü-i belde ve ahali-i gayr-i müslimenin reis-i ruhanileri ve kaza katibi ve üç nefer aza işbu meclis idarenin azası olacak ve riyaseti kaymakamda bulunacaktır.

Kırk sekizinci madde
İşbu meclis idare kazaca umur-ı mülkiye ve maliye ve zabtiye ve tahsiliye ve nafıa ve tapu ve ziraate dair mevadın icraatına aid olan umura memur olup umur-ı hukukiyeye müdahale etmeyecektir ve bu meclisin usul-ı müzakeratı ve kararlarının suret-i icrası nizamname-i mahsus ile tayin olunacaktır.

Kırk dokuzuncu madde
Kazada bulunacak zabtiye askerinin amiri kaymakam kaza olup sancak mutasarrıfından alacağı emre ve zabtiye nizamnamesinde münderic usule tevfikan bunları istihdam edecektir.

( Fasl-ı Sani )

( Kazanın Umur-ı Hukukiyesi )

Ellinci madde
Her kazada bir hakim olup nizami ve kanuni rüyet olunan deavidan gayri mahkeme-i şer’iyeye aid olan davaların fasl ve hükmüne memurdur. Hakim kaza makam-ı celil-i fetvanın intihabı üzerine nasb ve tayin olunur.

Elli birinci madde
Her re’s kazada bir meclis deavi olup işbu meclis hakim kazanın riyaseti tahtında olmak üzere mümeyyiz namıyla müslim ve gayr-i müslim üç azadan mürekkeb olacakdır ve bunlar beşinci babda mestur olan nizama tatbikan intihab olunacaklardır.

Elli ikinci madde
İşbu meclis deavi evvela ahali-i islamiyeye aid olup mahakim-i şer’iyede rüyeti lazım gelen ve kezalik ahali-i gayr-i müslimeye aid olup idare-i ruhaniyelerinde görülen deavi-i mahsusadan ve saniyen umur-ı cinaiyete dair olarak cinayet meclislerinde tetkik ve rüyeti iktiza eden hususatdan ve salisen sarf umur-ı ticarete müteallik olup liva ticaret meclislerinde görülecek...

78