618

Olan deavidan maada kanuni ve nizami fasl ve hasm olunacak davaların ve cünha ve kabahat derecesinde olub mezuniyeti dairesinde bulunan hususat-ı kanuniyenin rüyet ve tedkikine memurdur.

Elli Üçüncü Madde: Meclis-i deavide fasl ve hükm olunan deavi hakim-i kazanın ve mümeyyizlerin mühürleriyle memhur mazbata ile müdire bildirilüb kaymakam dahi mezun olduğu derecede hükümlerini icra ile daire-i mezuniyetinin haricinde olanlarını mutasarrıfa arz edecektir.

( Bab-ı Rabi )
( İdare-i Umur-ı Kura )

Elli Dördüncü Madde: Her karyede her sınıf ahali içün beşinci babda beyan olunan usule tevfikan kendilerinin intihabile ikişer muhtar olacaktır fakat bir karyede bir sınıf ahali yirmi haneden dun ise ol sınıfın yalnız bir nefer muhtarı olacaktır.

Elli Beşinci Madde: Karye muhtaranı badelintihab kaza kaymakamına bildirilerek anın emrile tayin olunur.

Elli Altıncı Madde: Her karyede her sınıfın muhtaranı tahsil-i emval işinde ve hususat-ı sairede hükümetin vasıta-i icraiyesi olub her karyece her sınıfa aid olan umur-ı belediye dahi bunlara aiddir.

Elli Yedinci Madde: Her karyede bekçi ve korucu ve sair nam ile karye zabıtası işinde bulunan adamların idaresi karye muhtarlarına aid olub bunlar içün yapılacak nizamat-ı mahsusaya göre hareket ederler.

Elli Sekizinci Madde: Her karyede her sınıf ahali içün en ziyade on iki kişiden ve en aşağı üç neferden ibaret bir ihtiyar meclisi olacaktır işbu azanın suret-i intihabları beşinci babda tayin olunan kaideye tevfikan icra kılınacaktır ve her karyede ahali-i islamiyenin imamları ve ahali-i gayr-i müslimenin reis-i ruhanileri kendi sınıflarının ihtiyar meclislerinin aza-yı tabiiyesinden olacaktır.

Elli Dokuzuncu Madde: İhtiyar meclisleri aid oldukları sınıf ahalinin...