Büyük Dil Modeli Tarafından Üretilen Metin
623
( Fasl-ı Râbi‘ )
( Merkez-i Vilâyet İçün Olan Usûl-i İntihâbiye )
Yetmiş yedinci madde — Merkez-i vilâyetde meclis-i idârenin a‘zâ-yı tabî‘iyesi olan Müfettiş-i Hükkâm (*) ve Defterdâr ve Mektûbcı ve Meclis-i Hukûk ve Cinâyetde bulunan De‘âvî Me’mûru ve merkez-i vilâyetde bulunan Müftü ve Hâkim ve milel-i gayr-i müslime rü’esâ-yı rûhâniyeleri vâlinin riyâseti tahtında olarak bir meclis tefrîk-i teşkîliyle orada gerek merkez-i vilâyet ve merkez-i livâ olan Şehrizor ve gerek re’s-i livâ olan kasabalar ahâlisinden olub teba‘a-i Devlet-i ‘Aliyye’den ve senevî lâ-akal beş yüz guruş doğrudan doğruya devlete virgü viren ve vilâyetçe erbâb-ı temyîz ve i‘tibârdan olan okur ve yazar kimselerden yine a‘zâ ve mümeyyizlerin ‘adedlerinin üç misline müsâvî olarak zâtların intihâb ile re’s-i livâlara irsâl olunub livâ ve kazâ a‘zâ ve mümeyyizlerinin usûl-i intihâblarına tatbîkan livâlarda tefrîk olunacak zâtların mazbataları merkez-i vilâyete vürûdunda vâli tarafından nisbet-i mukarreresine tatbîkan intihâb olunacak zâtların esâmîsi Bâb-ı ‘Âlî’ye ‘arz ve inhâ ile bunların me’mûriyetleri Makâm-ı Sadâret’den yazılacak tahrîrât ile tasdîk kılınacakdır.
Yetmiş sekizinci madde — Beher sene merkez-i vilâyetde içtimâ‘ı mukarrer olan Meclis-i ‘Umûmî içün meclis-i mezkûrun zamân-ı içtimâ‘ından bir mâh mukaddem her livânın hâvî olduğu her bir kazânın dört nefer a‘zâsı merkez-i livâda içtimâ‘ ile gerek merkez-i livâ ve gerek re’s-i kazâ sekenesinden a‘zâlık şerâ’itini hâ’iz olan kimselerden üç kişi intihâb idecekler ve bunlar Mutasarrıfın inhâsıyla merkez-i vilâyete irsâl olunacaklardır. Meclis-i ‘Umûmî’yi intihâb itmek içün kazâlardan gelecek a‘zâ her bir kazânın turuk ve ma‘âbir ve teshîl-i zirâ‘at ve ticârete ve husûsât-ı sâ’ireye dâ’ir Meclis-i ‘Umûmî’de müzâkere olunabilecek kazâ istid‘âlarını intihâb olunacak Meclis-i ‘Umûmî a‘zâsına i‘tâ ve teslîm ve o vâsıta ile Vâli-i Vilâyete takdîm ideceklerdir.
(*) Müfettiş-i Hükkâmlık mülgadır.
( Fasl-ı Râbi‘ )
( Merkez-i Vilâyet İçün Olan Usûl-i İntihâbiye )
Yetmiş yedinci madde — Merkez-i vilâyetde meclis-i idârenin a‘zâ-yı tabî‘iyesi olan Müfettiş-i Hükkâm (*) ve Defterdâr ve Mektûbcı ve Meclis-i Hukûk ve Cinâyetde bulunan De‘âvî Me’mûru ve merkez-i vilâyetde bulunan Müftü ve Hâkim ve milel-i gayr-i müslime rü’esâ-yı rûhâniyeleri vâlinin riyâseti tahtında olarak bir meclis tefrîk-i teşkîliyle orada gerek merkez-i vilâyet ve merkez-i livâ olan Şehrizor ve gerek re’s-i livâ olan kasabalar ahâlisinden olub teba‘a-i Devlet-i ‘Aliyye’den ve senevî lâ-akal beş yüz guruş doğrudan doğruya devlete virgü viren ve vilâyetçe erbâb-ı temyîz ve i‘tibârdan olan okur ve yazar kimselerden yine a‘zâ ve mümeyyizlerin ‘adedlerinin üç misline müsâvî olarak zâtların intihâb ile re’s-i livâlara irsâl olunub livâ ve kazâ a‘zâ ve mümeyyizlerinin usûl-i intihâblarına tatbîkan livâlarda tefrîk olunacak zâtların mazbataları merkez-i vilâyete vürûdunda vâli tarafından nisbet-i mukarreresine tatbîkan intihâb olunacak zâtların esâmîsi Bâb-ı ‘Âlî’ye ‘arz ve inhâ ile bunların me’mûriyetleri Makâm-ı Sadâret’den yazılacak tahrîrât ile tasdîk kılınacakdır.
Yetmiş sekizinci madde — Beher sene merkez-i vilâyetde içtimâ‘ı mukarrer olan Meclis-i ‘Umûmî içün meclis-i mezkûrun zamân-ı içtimâ‘ından bir mâh mukaddem her livânın hâvî olduğu her bir kazânın dört nefer a‘zâsı merkez-i livâda içtimâ‘ ile gerek merkez-i livâ ve gerek re’s-i kazâ sekenesinden a‘zâlık şerâ’itini hâ’iz olan kimselerden üç kişi intihâb idecekler ve bunlar Mutasarrıfın inhâsıyla merkez-i vilâyete irsâl olunacaklardır. Meclis-i ‘Umûmî’yi intihâb itmek içün kazâlardan gelecek a‘zâ her bir kazânın turuk ve ma‘âbir ve teshîl-i zirâ‘at ve ticârete ve husûsât-ı sâ’ireye dâ’ir Meclis-i ‘Umûmî’de müzâkere olunabilecek kazâ istid‘âlarını intihâb olunacak Meclis-i ‘Umûmî a‘zâsına i‘tâ ve teslîm ve o vâsıta ile Vâli-i Vilâyete takdîm ideceklerdir.
(*) Müfettiş-i Hükkâmlık mülgadır.