624

( Madde-i Mahsûsa )

İdare meclisi âzâsı ve deâvî ve temyîz meclisleri ve divanları mümeyyizlerinin
iki senede bir nısfı tebdil olunup yerine çıkanlar dahi tekrar intihâb
olunabilmesi câiz olmak şartiyle beher sene nısf-ı âzâ hakkında yeniden emr-i
intihâb icrâ olunacaktır fakat meclis-i umûmî âzâsı sene-i sâbıkada olanlar
tekrar intihâb olunabilmek şartiyle beher sene cümlesi yeniden intihâb olunacaktır
onuncu ve on birinci ve on ikinci maddelerde muharrer olduğu üzere merkez-i vilâyette
umûr-ı ecnebiye ve zirâat ve nâfia için bir müdür ta’yîni mukarrer bulunduğu halde
husûl-i mazbûtiyet-i idâre maksadına mebnî umûr-ı ecnebiye müdürlüğünün vazîfesi
vâlî muâvinliğine ilâve-i me’mûriyet olunmuş ve zirâat ve nâfia müdürlükleri
vezâifi dahi birleştirilmiş olmakla muâvin bulunan zât umûr-ı ecnebiyeden
mes’ûl olacak ve zirâat ve nâfiaya müteallik işler dahi me’mûr-ı mahsûsunun
nezâreti altında bulunacaktır (*)

(*) Muâvinlik dahi mülgâdır