633

Aid icraatın bir fezleke-i mahsusasını yapıp Vali-i Vilayete ita eyler

( Fasl-ı Âşir )
( Emlak ve Nüfus İdareleri Memurlarının Vazifeleri )

Otuz birinci madde — Emlak ve nüfus memurlarının vazifeleri nizamat-ı mahsusası mucibince dahil-i vilayette umum emlak ve arazinin ve onlara tabi olan şeylerin cins ve nevi ve adedini ve varidat-ı seneviye ve tekâlif mürtebesini havi olan kuyud-ı esasiye-i mahalliyenin idaresinden ve emlake aid tekâlif hulasalarının evkat-ı muayyene ve muktaziyesinde tanziminden ve tekâlif-i şahsiyenin nevi ve miktarını havi kuyud-ı esasiye-i mahalliyenin idaresinden ve tekâlif-i şahsiye hulasalarının evkat-ı muayyene ve muktaziyesinde tanziminden ve umum nüfusa aid kuyudun cem ve tedvininden ve emlakin tagayyürat ve ferağ ve intikalatına ve nüfus-ı umumiyece mevalid ve vefiyat ve nakliyata aid olan vukuat kuyudunun idaresine ve mürur tezkerelerine ve pasaportlara müteallik muamelatın nezaretten ve fusul-ı âtiyede beyan olunan ahkama göre mecalis-i idare kararlarıyla ve irade-i seniye ile emlak ve eşhas tekâlifinin muamelat-ı ta’diliyesinden kendilerine aid olacak mevaddı icradan ibaret olacaktır.

( Fasl-ı Hâdi Âşir )
( Evkaf Müdürlerinin Vazifeleri )

Otuz ikinci madde — Evkaf müdürlerinin vazifeleri evvelâ emval-i evkafın tahsiliyle evkat-ı muayyenesinde hazine-i evkafa irsalinden saniyen me’huzat ve medfuatın idare-i hesabiye ve kaydiyesinden salisen her sene evkaf-ı mülhaka mütevellileri hesaplarının ru’yetiyle fazlası evkaftan nizamen hazineye ve muhasib ve muharrirlere aid rüsumun istifasından rabian evkaf-ı mazbutanın tamirat ve mübayaatından hamisen tevcih-i cihat ve vezaife müteallik muamelat ile meşrutun-lehi olmayan vakıfların tahkik ve tetkikinden sadisen sandık idarelerine ve ferağ ve intikalat ve mahlûlata nezaretten ve umum evkaf hakkında evkaf nizamatının muhafaza-i ahkamından ibarettir.

Otuz üçüncü madde — Evkaf müdürleri madde-i sabıkada muharrer vezaifi [layıkıyla...]

L
80