649

( Kısm-ı Evvel )
( Meclis-i Beledî ve Müteferriatının Teşkili )

Yüz on ikinci madde: İdare-i belediye meclisi bir reis ve bir muavin ile altı nefer azadan mürekkep ve bir mühendis ile memleket tabibi azay-ı müşaviresinden bulunacaktır. Meclis-i mezkûr maiyetinde bir kâtip ile bir sandık emini ve lüzumu kadar hademe bulunacaktır.

Yüz on üçüncü madde: Meclis-i beledinin azası sunûf-ı muhtelifeden ve ashab-ı emlak ve araziden olmak ve ibtida ikişer sene hizmet etmek ve defa-i saniye intihabından sonra her sene nısfı tebdil edilmek ve hitam-ı müddetlerinde vilayetlerin usul-ı umumiye-i intihabiyesine tevfikan kasabanın merkez ve mahalle ihtiyar meclislerinden mürekkep intihab cemiyetinin ittifak veya ekseriyet-i arasıyla intihab ve hükümetçe tefrik ve tasdik olunduktan sonra tayin olunur.

Yüz on dördüncü madde: Âti'l-beyan esbab meclis-i beledî azalığına intihabın ve azalıkta devamın esbab-ı maniasındandır. Evvelâ kanunen bir cinayet ve cünha ile mahkûm olmak. Saniyen bilfiil hizmet-i askeriye veyahut umur-ı zabıtada bulunmak. Salisen idare-i belediye dairesi içinde hizmet-i kaza ve niyabette bulunmak. Rabian idare-i belediyenin her nevi inşaatını müteahhid olmak.

Yüz on beşinci madde: Sinni yirmi beşten aşağı bulunanlar meclis-i beledî azalığına intihab olunmaz.

Yüz on altıncı madde: Bir kimse iki meclis-i beledî azalığına tayin olunamaz.

Yüz on yedinci madde: Meclis-i beledinin kâtip ve sandık emini muvazzaf olup azası meccanen hizmet ederler.

Yüz on sekizinci madde: Meclis-i beledî reisinin memuriyetine mutasarrıftan sonra valinin re'y ve tasdiki munzam olmak meşruttur.

Yüz on dokuzuncu madde: Meclis-i beledî sandık emininin kefalet-i mutebereye merbut olması meşruttur.

Yüz yirminci madde: Meclis-i beledî haftada iki defa ve icabı halinde dahi fevkalade olarak içtima eder.

L
82