65

Ve keza gice vakti kırmızı yakutdur deyu satılan taş sarı yakut çıksa müşteri muhayyerdir.

311 Madde: Hıyâr-ı vasf vârise intikal eder.
Ya'ni hıyâr-ı vasf ile muhayyer olan müşteri vefat edecek mebi'in ol vasıfdan âri olduğu zâhir oldukda vârisinin dahi bey'i feshetmeğe salâhiyeti vardır.

312 Madde: Hıyâr-ı vasf ile muhayyer olan müşteri mebi'de temellükün levâzımından olan bir vechle tasarruf eder ise hıyarı ibtâl etmiş olur.

( Fasl-ı Sâlis )
( Hıyâr-ı nakd hakkındadır )

313 Madde: Bâyi' ve müşteri falan vakte kadar te'diye-i semen olunmak ve olunmazsa beynlerinde bey' olmamak üzere pazarlık etseler sahih olur. Buna hıyâr-ı nakd denilir.

314 Madde: Müddet-i muayyenede müşteri semeni te'diye edemez ise hıyâr-ı nakd ile akd olunan bey' fâsid olur.

315 Madde: Hıyâr-ı nakd ile muhayyer olan müşteri müddet-i muayyene içinde vefat eder ise bey' bâtıl olur.

( Fasl-ı Râbi' )
( Hıyâr-ı ta'yin beyanındadır )

316 Madde: Kıymetten iki yâhud üç şey'in başka başka bahâları beyan olunarak bunlardan müşteri dilediğini almak yâhud bâyi' dilediğini vermek üzere satmak sahih olur. Buna hıyâr-ı ta'yin denilir.

317 Madde: Hıyâr-ı ta'yinde ta'yin-i müddet lâzımdır.

318 Madde: Hıyâr-ı ta'yin ile muhayyer olan kimse müddet-i muayyene mürurunda aldığı şeyi ta'yine mecbur olur.

319 Madde: Hıyâr-ı ta'yin vârise intikal eder.
Meselâ a'lâ ve evsat ve ednâ olmak üzere bir cinsden üç top kumaşın üç...