663

Dâir olup kanunca diğer bir meclisde rü'yeti lâzım olmıyan bi'l-cümle münazaaları fasl ve hükm edecektir şu kadar ki aslen beş bin kuruşu tecavüz etmeyen davalara dâir verecekleri karar kabil-i istinâf olmıyacağı misillü beş bin kuruşu tecavüz eden veyahud akçece mikdarı tayin olunamıyan daaviye dâir verecekleri i'lâmat kabil-i istinâf olacaktır.

Otuz yedinci bend: Mecâlis-i mezkûrenin cezace vezaif-i me'muriyetleri evvelâ kaza muhtelit daavi meclisleri tarafından kabahat üzerine verilecek kararların istinâfen rü'yeti saniyen ceza kanunname-i hümâyunu ahkâmı mucibince cünha denilerek mücazat-ı te'dibiyeyi istilzam eder ahval ve harekâtın muhakemesidir.

( Kısım Sâdis )
( Vilâyet Muhtelit Daavi Meclisinin Vazife-i )
( Umumiyesine Dâirdir )

Otuz sekizinci bend: Vilâyet muhtelit daavi meclisi hukuk-ı âdiyece evvelâ ticaret kanunname-i hümâyunu ahkâmınca kabil-i istinâf olup cezirenin ticaret mahkemelerinde fasl ve hükm olunmuş ve istinâfen rü'yeti taleb olunan saniyen otuz altıncı bendde beyan olunduğu üzere istinâfı kabil olup mutasarrıflık muhtelit daavi meclislerinde kezalik fasl ve hükm olunmuş ve kendisine istinâf kılınmış bulunan davaları rü'yet edeceği misillü cezace vazife-i me'muriyetleri mutasarrıflık muhtelit daavi meclisleri tarafından cünha üzerine verilecek kararların istinâfen rü'yeti ve ceza kanunname-i hümâyunu ahkâmı mucibince cinayet denilerek mücazat-ı terhibiyeyi istilzam eder ef'âl ve harekâtın muhakemesidir.

( Kısım Sâbi' )
( Derecât-ı muhtelitede olan işbu mecâlis-i muhtelite )
( Daavinin vezaif-i mahsusaları beyanındadır )

Otuz dokuzuncu bend: Eşhas beyninde olan daavi müdde-i aleyhin ikametgâhı ve olmadığı halde muvakkaten bulunduğu mahal muhtelit meclisinde ve müdde-i aleyhim müteaddid olduğu halde müddei bunların mukim olduğu mahallerden hangisinin meclis-i muhtelitini ihtiyar eder ise anda ve dava-yı bir aynın ya'ni bir şeyin