666

Kırk sekizinci bend — Nizamâ davet olunub meclise gelmeyen kimesneler aleyhine gıyaben hükm itası caiz olacak ise de bugüne verilecek ilamâtın hükmü tarih-i karardan üç ay sonra icra olunacak ve işbu üç ay müddet içinde şahs-ı mahkûmun aleyh gelüb ağraz arzuhali vermediği halde inkıza-yı mühlet-i mezkûrede merkez-i icraya konulacak ve ondan sonra olunacak istida'lara bakılmayacaktır.

Kırk dokuzuncu bend — İstinaf arzuhali ilamın tebliği tarihinden itibaren nihayet üç ay zarfında takdim olunmadığı takdirde kabul olunmayacaktır.

Ellinci bend — Bâlâda beyan olunduğu vechile bir davanın iki defadan ziyade rü'yeti caiz olmayacak ise de mevadd-ı erba'a-i âtiye davanın Dersaadet'e nakliyle feshl-i ilamı mucib olacaktır. Mevadd-ı erba'a-i mezkûrenin birincisi ahkâm-ı kanuniyenin iptali, ikincisi adem-i selâhiyet ve tecavüz-i vazife-i memuriyet, üçüncüsü mühim olan usul-i icraiye-i kanuniyeye adem-i riayet, dördüncüsü bir maslahata birbirine mübayin iki ilam itası hususlarıdır.

( Kısım Tasi' )
( Ticaret Mahkemelerinin Suret-i Teşkiline Dairdir )

Elli birinci bend — Girit Vilayeti dahilinde kâin Hanya ve Resmo ve Kandiye sancaklarında birer ticaret mahkemesi olacaktır.

Elli ikinci bend — Bunlardan her birisinin dahil-i daire-i hükmü olacak kazalar vali ve vilayet idare meclisi tarafından tahsis ve tayin kılınacaktır.

Elli üçüncü bend — İşbu ticaret mahkemelerinin her birisi bir reis ile dörder a'zadan mürekkeb olacaktır.

Elli dördüncü bend — Reisin azl ve nasb ve tavzifi doğrudan doğruya devlet tarafından icra olunacaktır.

Elli beşinci bend — Ticaret mahkemelerinin a'zası İslam ve Hıristiyan muteberan tüccarından mürekkeb olmak üzere her sene Kanun-ı Sani esnasında vali veya mutasarrıf tarafından celb olunub taht-ı riyasetinde akd olunacak meclis tarafından intihab olunacaktır.

Elli altıncı