687

Vâli tarafından cânib-i saltanat-ı seniyyeye arz olunub icrâları irâde-i seniyyeye menût olacakdır.

Otuz üçüncü bend: Meclis-i umûmîde cereyân iden müzâkerât hulâsa vechile ve maslahata göre meclis kâtibi tarafından bi’t-tanzîm vilâyet gazetesinde tab‘ kılınacakdır.

Otuz dördüncü bend: Cereyân iden müzâkerât arasında bir vekîlin meclisin vezâif-i muayyenesi hudûdu dâhilinde olarak îrâd ideceği re’y içün ol vekîl hîç bir vakitde mes’ûl ve muâteb olmayacakdır. Bâlâda mestûr olan nizâmât-ı esâsiye ve anların iktizâsından olub kezâlik bu mahalde aynen münderic bulunan nizâmnâmeler Girid cezîresi hakkında ilâ mâşâallâhü teâlâ destûrü’l-amel tutulub siz ki vâlî ve mutasarrıf-ı müşâr ve kâim-makâmlar mûmâ-ileyhim siz işbu nizâmnâmelerin tamâmen ve dâimâ hüsn-i cereyânı hakkında her birinizin hisse-i me’mûriyetinize âid olan vezâifi kemâ-yenbagî icrâya mezîd-i i‘tinâ ve dikkat ve hîç bir ferd tarafından vakten mine’l-evkât hilâfında hareket vukû‘ bulmamasına sarf-ı mesâî ve rekz-i nezâret ve basîret eyleyiniz matlûb-ı kat‘î-i pâdişâhânemden oldığını ifhâmen ve i‘lânen işbu fermân-ı hümâyûnum ısdâr kılındı tahrîren fi’l-yevmi’l-hâmis ve’l-işrîn min şehr-i Ramazânü’l-mübârek li-sene erba‘ ve semânîn ve mieteyn ve elf.

Fî 25 Ramazân sene 1284