700

Ve zevcelerinin vâlidine ve kendilerinin âbâ ve ecdâd ve evlâd ve ahfâdına vekâlet edebilirler ve vasîsi bulundukları eytâmın o makûle daâvî-i şahsiyesini bil-vesâye rü'yet ettirirler ve o esnâda me'mûriyet-i resmiyeleri sıfatında bulunamazlar.

Yetmiş dokuzuncu madde: Tarafeyn veyahut muhbirlerden birinin özr-i şer'îye mebnî bizzat celb ve istintâkı mümkün olmadığı hâlde bir mümeyyiz ve bir müstantik ve bir teftîş me'mûru birlikte hânesine giderek takrîrini alıp zabt eder ve zabt pusulasını kendisine imza ettirdikten sonra bu me'mûrlar da imza edecek ve madde mühim olduğu hâlde a'zâdan biri dahi ta'yîn ve irsâl olunacaktır.

Sekseninci madde: Reîs veyahut münâvebeten anın intihâbiyle a'zâdan biri tarafeyni ve muhbirlerden iktizâ edenleri tertîb üzere isticvâb edip bu esnâda diğerleri müdâhale etmeyecek ve isticvâb eden zât suâllerini bitirdikten sonra ister ise diğerleri dahi def'-i müşkil edeceklerdir.

Seksen birinci madde: Hey'et-i meclisin sülüsânı mevcûd olmadıkça müzâkerâta mübâşeret olunmayacaktır.

Seksen ikinci madde: Bir da'vânın rü'yetinde tarafeynin sulh edilmelerine teşebbüs olunmak câiz olamayıp nizâm ve kânûna tevfîkan rü'yet ve hükm olunacaktır.

Seksen üçüncü madde: Bir da'vânın rü'yet ve muhâkemesinde henüz müzâkeresine şürû' olunmamış iken tarafeynden birisinin lehine veyahut aleyhine bir gûne re'y beyânından ictinâb olunacaktır.

Seksen dördüncü madde: Esnâ-yı muhâkemede reîs veyahut a'zâ husûsî muhâtaba ve mübâheseden ictinâb ile dâimâ umûma hitâb eyleyeceklerdir.

Seksen beşinci madde: Hitâm-ı muhâkemede tarafeyn dışarı çıkarılarak maslahat hükm derecesine geldikte reîs a'zânın re'ylerini toplayacaktır.

Seksen altıncı madde: Reîs en sonra beyân-ı re'y edecek ve reîs dâhil olduğu