72

Olduğu tahakkuk etdikde mağbûn olan kimse bey‘i fesh edebilir.

358 Madde Gabn-i fâhiş ile mağbûn olan kimsenin vefâtında tağrîr da‘vâsı vârisine intikâl etmez.

359 Madde Tağrîr olunan müşteri ba‘dehû gabn-i fâhiş olduğuna muttali‘ oldukdan sonra mebî‘de mülkün levâzımından olan bir vech ile tasarruf eder ise artık hakk-ı feshi kalmaz.

360 Madde Tağrîr ve gabn-i fâhiş ile iştirâ olunan mebî‘ telef yâ müstehlek olsa veyâhud ol mebî‘de ma‘îb olmak ve arsa olub da üzerine binâ yapılmak gibi bir keyfiyet hudûs etse mağbûn olan kimsenin bey‘i fesha salâhiyeti kalmaz.

( Bâb-ı Sâbi‘ )
( Mebî‘in envâ‘ ve ahkâmı beyânında olub altı fasla münkasemdir )

( Fasl-ı Evvel )
( Bey‘in envâ‘ı beyânındadır )

361 Madde Bey‘in in‘ikâdında rüknü ehlinden ya‘ni âkil ve mümeyyizden sudûr etmek ve hükmü kâbil olan mahalle muzâf olmak şartdır.

362 Madde Rüknünde halel olan bey‘ meselâ mecnûnun bey‘i bâtıldır.

363 Madde Bey‘in hükmü kâbil olan mahalli mevcûd ve makdûrü’t-teslîm ve mal-ı mütekavvim olan mebî‘dir.
Binâen-alâ-zâlik ma‘dûmun ve makdûrü’t-teslîm ve mal-ı mütekavvim olmayan şeyin bey‘i bâtıldır.

364 Madde İn‘ikâd-ı bey‘in şartı bulunub da ba‘z-ı evsâf-ı hâriciyesi i‘tibâriyle meşrû‘ olmazsa meselâ mebî‘ mejhûl yâhud semende halel vâki‘ olur ise bey‘ fâsid olur.

365 Madde Bey‘in nâfiz olması içün bâyi‘ mebî‘e mâlik yâhud mal sâhibinin vekîli yâ velîsi yâ vasîsi olmak ve gayrın hakkı olmamak şartdır.

366 Madde Bey‘-i fâsid ‘inde’l-kabz nâfiz olur. Ya‘ni müşterinin mebî‘de tasarrufu câiz olur.

367 Madde Hıyârâtdan birisi bulunur ise bey‘ lâzım olmaz.

368