722

noksan olanların ve çift ve çubukları dahi eksilenlerin illet ve sebebleri ve mahsulatın ve çeşitleri tezayüd edenlerin miktarları nedir ve bunların tekşir ve tevfiri mahallerince ne esbaba mütevakkıfdır buraları vülât-ı izamdan tâ kaza müdirine varınca bilcümle mülkiye ve mal memurları taraflarından sıhhati ve hakiki ve iktizası vechle tahkik olunarak kaza müdirleri sancak kaymakamlarına ve kaymakamlar dahi eyalet vali veya mutasarrıflarına bildirerek ziri mazbatalı defterlerinin beher sene şubat içinde ve nihayet mart iptidasında bu tarafa takdimine dikkat olunacaktır.

İkinci madde Bunun için bir mebde-i sene iktiza edeceğinden işbu gelecek ruz-ı kasımdan itibar olunarak balada tafsilen muharrer olduğu vechle ahalinin sene-i haliye mezruatı ne kadardır ve ne mikdar yerleri ekilüp ve ne kadar mahalleri ekilmeyüp kalmıştır ve hasılatın mahallerince rayiç ve fiyatı nedir ve tahmin ve kıyas olunarak ne mikdar mahsulat olur ve yetmiş iki senesi hasılatından ne kadar ziyade ve noksan olacaktır ve hububat ve mahsulatın cinsi cinsine sene-i sabıka rayicinden dahi ziyade veyahut noksan olarak farkı var mıdır ve olduğu takdirce tefavüt-i fiyatın kemmiyeti nedir usul-i mezkure üzere buraları tahkik ile ziri mazbatalı defteri gönderilecektir.

Üçüncü madde Taşralarda olan üzüm bağlarına bazı illet tari olarak gerek devlet-i aliye varidatına ve gerek sahiblerine nakise ve zararı müeddi olmakda olduğundan o makule illet basit mahallerde olan bağlara mı ziyade müstevli oluyor yoksa mürtefi yerlerde bulunanlara mı taarruz ediyor ol emirde bunun layıkıyla tecrübe ve tahkiki lâzımedendir.

Dördüncü madde Ziraat müdirleri dahi mevadd-ı lâzımede memurin taraflarına müracaat ve ihtar ve ifade-i keyfiyet eyleyerek bil-ittihad iktiza eden hususatın hüsn-i tesviyesine itina ve dikkat ve memurin dahi bunlar haklarında icra-yı lâzime muavenet edeceklerdir.

Beşinci madde Bir de taşralarda tapu nizamının icrası memurları var ise