726

Altmış sekiz senesi muharrer olup ta‘lik olunacağı mahallinde dahi kevkeb-i misâli bir ay yıldız alâmet-i seniyesi olacakdır.

Sekizinci Bend — Mecidiye Nişan-ı Hümâyûnunun birinci rütbesi etrafı yeşil zihli kırmızı şerit ile gerdana takılıp işbu nişandan başka ayn-ı nişanın şeklinde büyük bir şemsesi olup işbu şemse sadrın sol tarafına ta‘lik olunur ikinci rütbesinde kezalik şerit ile gerdana takılır ve üçüncü rütbesinden küçük bir nişan olup bundan başka birinci rütbe şemsesinden küçük bir şemsesi dahi olarak sadrın sağ tarafına ta‘lik kılınır üçüncü rütbesi birinci rütbeden küçük ve ikinci rütbeden büyük yalnız bir nişanı olup ta‘rif olunan renkde şerit ile gerdana takılır dördüncü rütbesi üçüncü rütbesinden biraz küçük bir nişan olup zikr olunan renkde şerit ile sadrın sol tarafına asılır ve beşinci rütbesi yedinci bendde beyan olunduğu vechle vasatı dahi sim ve dördüncü rütbeden küçük bir nişan olup dördüncüsü gibi ta‘lik olunur

Dokuzuncu Bend — İşbu Nişan-ı Hümâyûn ihsan buyuruldukda şekl-i mahsûsunda olarak bir kıt‘a berat-ı âlî dahi tastîr ve i‘tâ olunacağından işbu berat olmadıkça kimesnenin işbu Nişan-ı Hümâyûnu ta‘lik eylemesi câiz olmayacakdır

( Üçüncü Fasl Mecidiye Nişan-ı Hümâyûnuna neylde ve kat‘-ı merâtibinde )
( Lazım olan cihet-i istihkakiye )

Onuncu Bend — İşbu Nişan-ı Âlînin rütb-i mütefâvitesinden hiç bir kayd ile mukayyed olmaklığa ihtiyaç olmaksızın irade-i seniye buyurulacak bendegâna ihsan buyurulmak yed-i iktidar-ı Hazret-i Şehinşâhîdedir

On birinci Bend — Cihet-i istihkakiye beyanıyla işbu nişan-ı âlîye nâiliyyeti isti’zân olunacak sunûf-ı bendegânın ta‘yîn-i hizmet ve emkârı lâzımeden olmakla ber-vech-i âtî zikr ve îrâd olunur Mecidiye Nişan-ı Hümâyûn-ı mutlaka saltanat-ı seniyyeye hüsn-i hizmet eden bendegâna ihsan buyurulacak olup fakat işbu alâmet-i seniyye-i imtiyâza kesb-i istihkak edenlerin silkine dâhil olabilmek içün sınıf-ı askerîden olanlar vakt-i sulhda ve sunûf-ı ilmiye