738

On yedinci bend: Hasbe’l-icâb sınıf-ı celîl-i askerîden sunûf-ı sâireye nakl idenlerin sınıf-ı askerîde itdikleri hizmet müddeti nakl olundukları sınıfdaki müddet-i istihkaklarına zamm olunacakdır.

On sekizinci bend: Her bir sınıfda gerek müddet-i muayyenesiyle yeniden nişâna ve gerek terfi-i rütbeye müstahak olanlar ve yâhud fevkalâde hizmet mukâbilinde nişâna ve terfi-i rütbeye ehliyeti bulunanlar içün isti’zân vukûunda ol kimesnenin mensûb olduğu sınıfın en büyük zâbiti tarafından hüsn-i hizmetle emegi müddeti ve yâ fevkalâde hizmeti bi’l-etrâf gösterilerek memhûr bir arz takdîm olunacakdır ve bu bâbda hilâf-ı usûl hareketden her kim olur ise olsun mes’ûl tutulacakdır.

On dokuzuncu bend: İşbu nişân-ı hümâyûnun birinci ve ikinci rütbelerine nâil olacak bendegân nişânları huzûr-ı şevket-vefûr-ı hazret-i pâdişâhîde ta’lîk olunmak şerefine nâil olub sâir rütbeleri ihsân buyurulacak olanların nişânları mensûb oldukları sınıfın en büyük zâbiti huzûrunda ta’lîk olunacak ve taşrada bulunanlar dahi kezâlik bulunduğu mahalde en büyük rütbeli zât kim ise anın huzûrunda nişânı ta’lîk edecekdir.

( Dördüncü fasıl Mecidiye nişân-ı hümâyûnuna nâil )
( Olanların imtiyâzât ve mükâfâtı )

Yirminci bend: Her bir sınıfdan işbu nişân-ı âlîye nâil olanların rütbeleri ledü’l-iktizâ kendilerine verilecek ve anlara dâir yazılacak fermân-ı âlî ve ruûs-ı hümâyûn ve sâir muharrerât-ı resmiyede zikr ve îrâd olunacakdır.

( Beşinci fasıl Mecidiye nişân-ı hümâyûnu )
( Ta’lîkden mahrûm iden hâlât )

Yirmi birinci bend: Her sınıfda Devlet-i Aliyyeye kavlen ve fi’len ihânet ve irtişâ ve sirkat ve katl-i nefs gibi cerâim ile müttehem olanların bi’l-muhâkeme sâbit olan cünhaları üzerine icrâ olunacak mücâzât-ı kânûniyelerinden başka üzerlerinde bulunan nişânları dahi dâimî olarak ahz ve nez’ kılınacakdır.

Yirmi ikinci bend: Sınıf-ı celîl-i askerîde işbu nişân-ı hümâyûnu hâmil olan...
Ümerâ